1 dollar 600 teńgege jete me – Ulttyq bank tóraǵasy jaýap berdi

<p>ASTANA. KAZINFORM &ndash; QR Ulttyq bankiniń tóraǵasy Tımýr Súleımenov 1 AQSh dollary 600 teńgege jetpeıtinin aıtty.&nbsp;</p>

- Ulttyq bankte tıisti taldaý jasaldy. Sonyń aıasynda 1 dollar baǵamy 600 teńgege jetedi dep boljap otyrǵan joqpyz. Bul rette baǵam qazirgi qalyptasqan deńgeıde saqtalýy múmkin. Jańa ǵana tekserdim (resmı baǵamdy), Qazaqstan qor bırjasynda onyń deńgeıi 523 teńge shamasynda, - dedi T. Súleımenov Senatta tilshiler suraǵyna jaýap bere otyryp.

Osy oraıda ol valıýta baǵamynyń ózgerýin naryq anyqtaıtynyn eske saldy.

- Joǵaryda aıtqan boljam kelesi jylǵa qatysty, - dep naqtylady UB basshysy.

Aıta keteıik, Ulttyq banktiń 5 jeltoqsanǵa arnalǵan resmı baǵamy — 1 dollarǵa 523,58 teńge.

Reseı rýbliniń ortasha saralanǵan quny — 5,01 teńge. Eýro — 549,71.