1 adam qaza bolyp, ekeýi jaraqattandy: ShQO monshasyndaǵy apatty komıssııa tekserýde

<p>Shyǵys Qazaqstan oblysynyń Zaısan aýdanyndaǵy monshada qazandyqtyń jarylýyna qatysty arnaıy komıssııa tekserý júrgizedi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

14 qazanda Zaısan qalasyndaǵy qoǵamdyq monshada jylytý qazandyǵy jarylyp, sonyń saldarynan bir adam qaza bolyp, eki adam jaraqat alǵan edi.

ShQO ákimdiginiń málimetinshe, óńir basshysy Ermek Kósherbaev Zaısan aýdanyna baryp, jedel keńes ótkizdi.

«Arnaıy qurylǵan komıssııa jazataıym oqıǵany tekserýge kirisip ketti, eń aldymen ınjenerlik zerthananyń anyqtaýshylary men qyzmetkerleri qoǵamdyq monshadaǵy jylý qazandyqtyń jarylý sebepterin anyqtaıdy», – deıdi ákim.

Ermek Kósherbaev marqumnyń otbasyna baryp, kóńil aıtty.

«Serik Namazbaev kópbalaly otbasynyń otaǵasy edi, eń kishkentaı qyzy Aısulý 9 aıda. Zardap shekken eki adam aýdandyq aýrýhanada, olarǵa medıtsına qyzmetkerleri qajetti kómek kórsetip jatyr», – dedi aımaq basshysy.