1,5 myń qazaqstandyq jeke kásibin ashý úshin memlekettik grant aldy

NUR-SULTAN. QazAqparat - Bıylǵy 1 tamyzdaǵy jaǵdaı boıynsha 2021 – 2025 jyldarǵa arnalǵan kásipkerlikti damytý jónindegi ulttyq jobaǵa 325,1 myń adam qatysty. 259,4 myń adam jumysqa ornalasty. Onyń 155,3 myńy turaqty jumysqa ornalasty. Bul týraly QazAqparat Eńbek mınıstrligine silteme jasap habarlaıdy.

Jumys berýshilerdiń ótinimderi boıynsha kásiptik oqytýǵa 8,7 myń adam jiberildi.

Óz kásibin bastaý úshin 1,5 myń adam memlekettik grant aldy.

Sýbsıdııalanatyn jumys oryndaryna 122,9 myń adam ornalastyryldy. Onyń ishinde áleýmettik jumys oryndarymen 12,6 myń, jastar praktıkasymen 14,6 myń, qoǵamdyq jumystarmen 91,7 myń adam, «Alǵashqy jumys orny» jobasy aıasynda 2,4 myń, «Urpaqtar kelisimsharty» jobasy aıasynda 249 adam, «Kúmis jas» jobasy aıasynda 1,3 myń adam jumyspen qamtyldy.

Sondaı-aq qyzmet salasyn tańdaý maqsatynda 61,4 myń adam áleýmettik kásiptik baǵdarlaýdan ótti.