1,2 mln kásipker salyqtan bosatylady – Qarjy mınıstrligi

NUR-SULTAN. QazAqparat - Búgin Ortalyq kommýnıkatsııalar qyzmetinde ótken baspasóz máslıhatynda QR Qarjy mınıstrligi Memlekettik kirister komıteti tóraǵasynyń mindetin atqarýshy Jánibek Nurjanov bıznes sýbektileriniń 75% salyqtan bosatylatynyn aıtty, dep habarlaıdy QazAqparat tilshisi.

«Bizdiń derekter boıynsha, barlyǵy 1,2 mln kəsipkerlik sýbekti salyqtan bosatýǵa jatady. Bul bıznes sýbektilerdiń barlyq sanynyń 75%. Memlekettik kirister organdary tekserýlerdiń sanyn tómendetý boıynsha josparly túrde jumys atqarýda. 2019 jyly memlekettik kirister organdary 27 187 salyqtyq tekseris ótkizdi. Bul, ótken jyldyń osy merzimimen salystyrǵanda 28,7% tómen», - deıdi Jánibek Nurjanov.

Sonymen qatar, onyń aıtýynsha, təýekelderdi basqarý júıesin irikteý ólshemderin jetildirý jəne memlekettik kirister organdarynyń ókiminde bar derekterdi taldaý arqyly zań buzýshylyqtardy anyqtaý boıynsha jumystar kúsheıtilýde.

Buǵan deıin J.Nurjanov arnaýly salyq rejımderin qoldanatyn, sondaı-aq mıkro jəne shaǵyn kəsipkerlik sýbektisi bolyp tabylatyn tulǵalar bıylǵy 1 qańtardan bastap, 2022 jyldyń 31 jeltoqsanyna deıin tabys salyǵynan bosatý erejelerin qoldanýǵa quqyly ekenin málim etken bolatyn.