Chempıondar lıgasy: «Barselona» óz alańynda «Antverpendi» iri eseppen jeńdi

<p><span style="font-family: sans-serif; font-size: 18px;">Búgin fýtboldan UEFA Chempıondar lıgasy toptyq kezeńiniń alǵashqy týry ótti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Bul kúni E, F, G, H toptarynda komandalar ózara kezdesti.

 

H tobynda synǵa túsetin Ispanııanyń «Barselona» komandasy óz alańynda Belgııanyń «Antverpenin» tas-talqan etip jeńdi. Nebári 22-mınýttyń ishinde ıspanııalyq klýb qarsylas qaqpasyna úsh gol soǵyp úlgerdi. Aldymen Joaý Felıks 11-mınýtta esep ashsa, odan keıin Robert Levandovskıı 19-mınýtta basymdyqty arttyrdy. Al 22-mınýtta belgııalyq klýbtan Ielle Bataı óz qaqpasyna gol soǵyp aldy.

Ekinshi kezeńde «Barselona» qatarynan Gavı 54-mınýtta gol soqsa, Joaý Felıks 66-mınýtta dýbldiń avtory atandy.

Alǵashqy týrdaǵy ózge oıyn nátıjeleri tómendegishe:

E toby: «Feıenoord» (Nıderland) - «Seltık» (Shotlandııa) 2:0, «Latsıo» (Italııa) - «Atletıko Madrıd» (Ispanııa) 01.

F toby: «Parı Sen-Jermen» (Frantsııa) - «Borýssııa Dortmýnd» (Germanııa) 2:0, «Mılan» (Italııa) - «Nıýkasl» (Anglııa) 0:0

G toby: «Manchester Sıtı» (Anglııa) - «Tsrvena Zvezda» (Serbııa) 3:1, «ıAng Boız» (Shveıtsarııa) - «RB Leıptsıg» (Germanııa) 1:3

H toby: «Barselona» (Ispanııa) - «Antverpen» (Belgııa) 5:0, «Shahter Donetsk» (Ýkraına) - «Portý» (Portýgalııa) 1:3.

Endi 20 qyrkúıekte A, B, C, D toptarynda alǵashqy týr oıyndary ótkiziledi.