Aqsaıda destrýktıvti dinı aǵym ókili áıel zorlamaq boldy

<p><span style="font-family: sans-serif; font-size: 18px;">Aqsaıda destrýktıvti dinı aǵym ókili áıel zorlamaq bolyp, ustalyp qaldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> <a href="https://t.me/POLICE_of_KZ" target="_blank" rel="noopener">Polisia.kz </a>saıtyna silteme jasap.</span></p>

Saıttaǵy málimetterge qaraǵanda, qylmyskerdi anyqtaýǵa qylmys jasalǵan aýmaqta turǵan beınebaqylaý kameralary kómektesti.

Qylmys qyrkúıektiń 9-yna qaraǵan túni Batys Qazaqstan oblysynyń Aqsaı qalasynda bolǵan. Sol kúni 1991 jylǵy áıel túndeletip úıine kele jatyp, jolda bir jigitti kezdestiredi. Ol áıeldiń áńgimege tartyp, ózimen birge ertip áketpek bolady. Áıel beıtanys jigittiń aıtqanyna kóne qoımaǵan soń kúsh qoldana bastaıdy. Áıel qashyp úlgeredi, beıtanys adam oqıǵa ornynan boı tasalaıdy.

Áıel úıine kelgen soń jedel járdem shaqyryp, polıtsııaǵa habarlasady. Polıtsııa qyzmetkerleri atalǵan qylmysty jasady degen kúdikpen Aqsaı qalasynyń 34 jasar turǵynyn ustady jáne onyń destrýktıvti dinı aǵym ókili ekenin anyqtady.

Kúdikti QR Qylmystyq-protsestik kodeksiniń 128-babyna sáıkes ýaqytsha ustaý ızolıatoryna qamaldy. Oǵan qatysty QR Qylmystyq kodeksiniń 24-baby – 120-baby boıynsha sotqa deıingi tergeý bastaldy.