Máýlen Áshimbaev jańa ekonomıkalyq úlgige kóshýdiń negizgi 4 shartyn atady

<p class="MsoNormal" style="text-align: justify; line-height: normal;"><strong style="mso-bidi-font-weight: normal;"><span style="font-size: 18.0pt; font-family: 'Times New Roman',serif; color: black; mso-color-alt: windowtext; background: white; mso-ansi-language: KZ;">Senat Spıkeri Máýlen Áshimbaev Memleket basshysynyń Joldaýyndaǵy ekonomıkalyq basymdyq týraly baıandap, jańa ekonomıkalyq modelge kóshýdiń 4 negizgi shartyn atap ótti, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></span></strong></p>

Palata Tóraǵasynyń aıtýynsha, 2023 jylǵy Joldaýdyń ekonomıkalyq basymdyǵy elimizdiń teńgerimdi damýy úshin mańyzdy. Eger buryn saıası reformalarǵa basa nazar aýdarylsa, qazir qalyptasqan saıasatty ekonomıkalyq sharalarmen teńestirgen jón.

«Ótken jyldary, ásirese qańtar oqıǵasynan keıin saıası júıeni reformalaý boıynsha júıeli sharalar qabyldaý óte mańyzdy boldy. Qazir jalpy alǵanda, saıası salada belgili bir ilgerileýshilikke qol jetkizildi dep aıta alamyz. Endi bizge ekonomıkalyq baǵytty jetildirý qajet. Ekonomıkamyzda qordalanyp qalǵan máselelerdi sheshýdiń mańyzy zor. Osyǵan baılanysty bıylǵy Joldaýda jańa ekonomıkalyq modeldiń maqsat-mindetteri aıqyndalyp, oǵan qol jetkizýdiń mańyzdy tetikteri kórsetilgen», – dedi Máýlen Áshimbaev BaitassovLive YouTube arnasyna bergen suhbatynda.

Senat Tóraǵasynyń aıtýynsha, alǵa qoıylǵan maqsattarǵa qol jetkizý úshin tórt shart oryndalýy kerek. Olar ekonomıkanyń damýyna qajetti serpin berip, jyl saıyn 6-7 paıyzdyq ósýdi qamtamasyz etedi.

«Birinshi shart – ekonomıkanyń barlyq sýbektisiniń, eń aldymen, kásipkerlerdiń, memlekettik organdardyń, quqyq qorǵaý organdarynyń naqty, túsinikti, ashyq, ádil jáne uzaqmerzimdi «oıyn erejelerin» qabyldaý. Ekinshi shart – ınfraqurylymdy damytý jáne kásiporyndarymyzdy shıkizatpen qamtamasyz etý. Úshinshiden – bıznesti nesıelermen jáne ınvestıtsııamen qamtamasyz etý. Endi ekonomıkamyzdy damytý úshin bankterdiń qyzmetin jandandyrýǵa qajetti qandaı zańdardy ózgertý kerek ekenin qarastyramyz. Tórtinshi shart – ishki naryqty júıeli túrde qorǵaý. Iá, biz Eýrazııalyq ekonomıkalyq odaqtyń jáne Dúnıejúzilik saýda uıymynyń múshelerimiz. Alaıda DSU aıasynda da kásipkerlerimizdi qorǵaýdyń barlyq zańdy quralyn qoldanyp jatqan joqpyz», – dedi Senat spıkeri.