Abaı oblysy turǵynynan sibir jarasyna ekinshi ret synama alyndy

<p>Abaı oblysy Besqaraǵaı aýdany Jetijar aýylynyń turǵyny sibir jarasyna qatysty ekinshi ret tereńdetilgen qan analızin tapsyrdy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«Klınıkalyq málimetterdi eskere otyryp, sibir jarasynyń aldyn ala dıagnozy qoıyldy. Boljam boıynsha, bul –jaranyń teridegi ortasha aýyrlyqtaǵy túri. Alaıda PTR synamasynyń qorytyndysyna sáıkes dıagnoz rastalmady. Soǵan oraı ol ekinshi ret tereńdetilgen qan analızin tapsyrdy. Bul taldaýdyń qorytyndysy 12 qazanda alynady. Osy ýaqytqa deıin Besqaraǵaı aýdany Jetijar aýyldyq okrýgine qarasty Jetijar aýylynda tótenshe jaǵdaı rejımi engizildi», - deıdi Abaı oblysy ákiminiń orynbasary Dmıtrıı Garıkov.

Eske salsaq, osyǵan deıin Abaı oblysyndaǵy bir aýylda tótenshe jaǵdaı jarııalanǵany habarlanǵan.

Jetijar aýylynyń turǵyny sibir jarasy aýrýyna shaldyqqan degen kúdikke ilingen.

Qazir Jetijar aýylynyń kire berisine sanıtarlyq beket ornatylyp, aýyldan aýyl sharýashylyǵy ónimderin shyǵarýǵa ýaqytsha shekteý qoıyldy.