«Eńbek joly» baıqaýynyń óńirlik kezeńiniń jeńimpazdary anyqtaldy

<p style="margin-bottom: 8.25pt; text-align: justify; background: white;"><strong><span lang="KZ" style="font-size: 14.0pt; color: #222222; mso-ansi-language: KZ;">Elordada jastar arasynda jumysshy mamandyqtaryn nasıhattaýǵa jáne eńbek tárbıesin aldyńǵy orynǵa qoıǵan áýletterdiń kópjyldyq dástúrin nyǵaıtýǵa baǵyttalǵan &laquo;Eńbek joly&raquo; respýblıkalyq konkýrsynyń óńirlik kezeńiniń jeńimpazdary marapattaldy, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></span></strong></p>

Eńbek jáne halyqty áleýmettik qorǵaý mınıstrliginiń málimetinshe, konkýrs óńirlik jáne respýblıkalyq deńgeıde úsh nomınatsııa boıynsha ótken: «Úzdik eńbek áýleti» – eńbek ótili eń uzaq, marapaty eń kóp áýlet, «Jumys isteıtin jastardyń úzdik tálimgeri» – jumys ótili keminde 20 jyl, tıimdi jumys isteıtin tálimger, «Óndiristiń úzdik jas mamany» – jumys ótili 5 jyldan aspaıtyn óndiristiń eń belsendi jáne eńbekqor qyzmetkeri tańdalady.

Bıyl konkýrsqa qatysý úshin Qazaqstannyń barlyq óńirinen 591 ótinish túsken. Astana qalasy boıynsha 80 ótinish qabyldandy: «Úzdik eńbek áýleti» nomınatsııasynda 15 ótinish, «Óndiristiń úzdik jas mamany» nomınatsııasynda 33 ótinim, «Jumys isteıtin jastardyń úzdik tálimgeri» nomınatsııasynda 32 ótinim.

Baıqaýdyń óńirlik kezeńiniń qorytyndysy boıynsha elordada «Úzdik eńbek áýleti» nomınatsııasy boıynsha «QTJ» UK» AQ-da jumys isteıtin Amangeldınovtar otbasy birinshi oryndy ıelendi. «Jumys isteıtin jastardyń úzdik tálimgeri» nomınatsııasynda №38 mektep-lıtseıiniń tarıh pániniń muǵalimi Gúlzııa Imanbaeva jeńiske jetti. «Óndiristiń úzdik jas mamany» nomınatsııasy boıynsha birinshi oryndy «Astana-AEK» AQ II sanatty ınjeneri Aınur Baıbatyrova ıelendi.

«Júldeli orynǵa ıe bolǵan azamattar men barsha konkýrsantymyz – qoǵamymyzdy alǵa jeteleıtin jáne adamı qundylyqtardy beıneleıtin ýaqyt talabyna saı zamanaýı qaısar keıipkerler. Eńbekqor, talantty, aldyna maqsat qoıa biletin qatysýshylarymyzǵa qarap, biz olardyń úlgisimen jáne ómirlik tájirıbesimen jigerlenemiz, kúsh-qýat alyp, bolashaqqa nyq senimmen qaraımyz. Eger elimizdiń barlyq azamaty, ásirese jastar, bizdiń konkýrsqa qatysýshylar sııaqty eńbekqor jáne bilimdi bolsa, bıik belesterdi baǵyndyrary anyq. Barshańyzdy kele jatqan Eńbek kúnimen quttyqtaımyn! Árqaısymyzdyń eńbegimiz qoǵamymyzdyń ornyqty damýy men elimizdiń órkendeýiniń negizi bolsyn!» – dedi jeńimpazdardy quttyqtaý rásiminde QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov.

Baıqaýdyń Astanadaǵy óńirlik kezeńniń jeńimpazdary endi respýblıkalyq kezeńde elorda atynan baq synaıdy. «Eńbek joly – 2023» laýreattaryn marapattaý saltanaty 22 qyrkúıekte ótedi.