Qar aralas jańbyr, naızaǵaı: 14 óńirde eskertý jarııalandy

<p><span style="font-family: sans-serif; font-size: 18px;">&laquo;Qazgıdromet&raquo; RMK 20 qyrkúıek kúni aýa raıynyń buzylýyna baılanysty birqatar óńirde eskertý jarııalady, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat.</a></p>

Jetisý oblysynyń shyǵysy men ortalyǵynda qatty jańbyr jaýady. Taýly jerlerde qar aralas jańbyr kútiledi. Oblystyń shyǵysynda, ortalyǵynda, taýly aýdandarynda naızaǵaı oınap, ońtústik-batystan jel soǵady, Ekpini 15-20 m/s quraıdy, keı ýaqytta 23-28 m/s artady.

Kúndiz Soltústik Qazaqstan oblysynyń basym bóliginde – jańbyr, soltústiginde, shyǵysy men ońtústiginde naızaǵaı, tuman, kúndiz burshaq kútiledi. Soltústik-batystan jel soǵady, kúndiz naızaǵaı kezinde ekpini 15-20 m/s quraıdy.

Almaty oblysynyń ońtústiginde, taýly aýdandarynda kúndiz qatty jańbyr, naızaǵaı, burshaq boljanady. Túnde jáne tańerteń taýly, taý bókterindegi aýdandarda tuman kútiledi. Ońtústik-batystan jel soǵady, naızaǵaı kezinde ekpini 17-22 m/s quraıdy. Órt tutaný qaýpi joǵary.

Túnde jáne tańerteń Batys Qazaqstan oblysynyń soltústiginde tuman kútiledi.

Túrkistan oblysynyń soltústiginde, ońtústiginde, batysynda, taýly jáne taý bókterindegi aýdandarda naızaǵaı, túnde soltústiginde shańdy daýyl boljanady. Soltústik-batystan jel soǵady, kúshi 15-20 m/s quraıdy. Óńirdiń shóldi aýdandarynda joǵary órt qaýpi saqtalady.

Shymkent qalasynda keı ýaqytta naızaǵaı oınap, soltústik-batystan jel soǵady, ekpini 15-20 m/s quraıdy.

Ulytaý oblysynyń soltústiginde, ońtústigi men shyǵysynda naızaǵaı kútiledi. Óńirdiń ońtústiginde órt shyǵý qaýpi saqtalady.

Aqmola oblysynyń batysynda, soltústigi men ońtústiginde – naızaǵaı, batysy men soltústiginde túnde jáne tańerteń tuman boljanady. Soltústikten, soltústik-batystan jel soǵady, kúndiz ekpini 15-20 m/s quraıdy.

Qostanaı oblysynyń soltústiginde, shyǵysy men ońtústiginde – naızaǵaı, batysy men soltústiginde túnde jáne tańerteń tuman kútiledi. Ońtústik-batystan soǵatyn jel soltústik-batysqa aýysyp, kúndiz kúshi 15-20 m/s quraıdy.

Qaraǵandy oblysynyń soltústiginde, ońtústigi men shyǵysynda naızaǵaı kútiledi. Soltústik-shyǵystan soǵatyn jel ońtústik-batysqa aýysyp, kúndiz ekpini 18 m/s quraıdy.

Astana qalasynda keı ýaqytta naızaǵaı kútiledi.

Kúndiz Pavlodar oblysynyń batysy men ońtústiginde naızaǵaı boljanady.

Túnde jáne tańerteń Mańǵystaý oblysynyń soltústik-shyǵysynda, ortalyǵynda tumandy bolady.

Túnde Jambyl oblysynyń shyǵysynda, taýly aýdandarynda qatty jańbyr kútiledi. Óńirdiń soltústiginde, shyǵysynda, ońtústik-batysy men taýly aýdandarynda naızaǵaı oınap, burshaq jaýady. Ońtústik-batystan jel soǵady, kúshi 15-20 m/s quraıdy. Joǵary órt qaýpi saqtalady.