Dıqandar astyq keptirýge qosymsha 73 myń tonna dızel surap otyr

<p>Jaýyn-shashyn jaǵdaıynda orylǵan egindi keptirý úshin sharýalarǵa qosymsha 73 myń tonna dızeldi lıtrine 250 teńgeden bólý qajet. Bul jaıynda Aýyl sharýashylyǵy mınıstri Aıdarbek Saparov Úkimet otyrysynda aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</p>

«Komıssııa jumystarynyń qorytyndysy boıynsha fermerlerdi qoldaý maqsatynda mynadaı sharalar qabyldandy:
Birinshiden, Energetıka mınıstrligimen birlesip astyqty keptirý úshin dızel otynyn bólý máselesi pysyqtaldy. 18 qyrkúıekten bastap aqparattyq júıede ótinimderdi qabyldaý bastaldy. Ákimdikterdiń derekteri boıynsha dızel otynyna jalpy qajettilik 73 myń tonnany quraıdy. Onyń baǵasy lıtrine 250 teńgeden aspaýy qajet.

Ekinshiden, barlyq elevatorlardyń kúni-túni jumys isteýin qamtamasyz etý tapsyryldy. Astyq keptirý tarıfteriniń ósýine jol bermeý óte mańyzdy.
Úshinshiden, «Báıterek» holdıngi «QazAgroQarjy» fılıaldaryna fermerlerdiń statsıonarlyq jáne jyljymaly astyq keptirgishterdi lızıngke alýǵa arnalǵan ótinimderin jyldamdatyp qaraýdy tapsyrdy», - dedi Aıdarbek Saparov

Mınıstrdiń sózinshe, jınalǵan ónimniń sapasynyń tómendigine baılanysty tuqymmen qamtamasyz etý máselesi ótkir bolyp tur.

«Osyǵan baılanysty «Azyq-túlik korporatsııasy» tuqym qoryn qalyptastyrý úshin qolda bar astyq qorlarynyń tuqym retinde paıdalanýǵa jaramdylyǵyna saraptama júrgizýdi bastady.

«Azyq-túlik korporatsııasynyń» jelisi boıynsha astyqty jetkizý merzimi 1 qazannan 1 qarashaǵa deıin uzartyldy», - dedi ol.