Aqtaýda teńiz jaıaý áskerleri jattyǵý ótkizdi

<p class="MsoNormal" style="text-align: justify;"><span style="font-size: 16.0pt; line-height: 107%; font-family: 'Times New Roman',serif; color: black; mso-themecolor: text1;">Elimiz boıynsha tek Aqtaý qalasynda teńiz jaıaý áskerleri bar. Olar búgin jattyǵý ótkizdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Kaspıı teńiziniń jaǵalaýyn qorǵaý – áskerı bólimniń mindeti. Osy oraıda áskerler jaýyngerlik daıyndyq jattyǵýlarynyń ekinshi kúninde «terrorıstermen» kúresti. Oımashy áskerı polıgonynda ótken tájirıbelik sabaqta terrorıster eldi mekendi basyp alyp, jergilikti turǵyndardy tutqyndady. Jas jaýyngerlerge sodyrlardy tolyǵymen joıý mindeti júkteldi. Terrorızmge qarsy operatsııany oryndaý kezinde ár jaýyngerdiń aldynda jeke mindet turdy.

 

«Vzvodyma ǵımaratty jáne eldi mekenniń mańyn tazartý mindeti júkteldi. Bul nysan Aqtaý qalasynyń asa mańyzdy obektileriniń odan ári serpilýine jol bermeý maqsatynda jaýdy joıý úshin tańdaldy. Meniń oıymsha, maqsat oryndaldy. Vzvod baǵalaý tapsyrmasyn óte jaqsy oryndady», - dedi Áskerı teńiz kúshteriniń bólim komandıri Erasyl Saýdabek.

Janyndaǵy joldasyn jaý qolynda qaldyrmaý – teńiz jaıaý áskeriniń mindeti. Sondyqtan daıyndyq kezinde áskerdegiler jaý qolynan aman shyǵý ádisterin de úırenedi. Osylaı sarbazdar tózimdilikti, tártipti talap etetin komandalyq jumysty atqara júrip, urystyń ádis-tásilin tolyq meńgerip shyǵady. Búginde teńiz jaıaý áskeriniń áleýeti joǵary. Zamanaýı úlgidegi ozyq tehnıkalar, qarý-jaraqtarmen tolyqtaı qamtylǵan. Osy rette áskerı-teńiz kúshteriniń basshylyq quramynyń ókilderi atap ótkendeı, búginde el áskeriniń bedeli artyp keledi.

 

«Áskerı-teńiz kúshteriniń ereksheligi jaqsy qyzmet etýge múmkindik beredi. Mysaly, Kaspıı mańy aımaǵyndaǵy basqa memleketterge shyǵýyna bolady. Atap aıtsaq, kóp uzamaı bizdiń baza Ázerbaıjan qarýly kúshterimen birlesip jattyǵýlar ótkizý úshin Ázerbaıjan Respýblıkasynyń porttaryna teńizge shyǵady. Jalpy bizdiń áskerı teńizshilerdiń jalaqysy da jaqsy», - dedi QR áskerı teńiz kúshteri bas qolbasshysynyń tárbıe jáne ıdeologııalyq jumys jónindegi orynbasary Jumabek Hasenov.

Elimizdiń áskerı teńizshileri 90 paıyz arnaıy mamanmen qamtylǵan. Keletin jastardyń sany da jyldan-jylǵa artyp keledi. Aıtýlarynsha, mundaı kórsetkishke Aqtóbedegi áskerı ınstıtýt bazasynda teńiz jaıaý áskeri úshin mamandar daıarlaý kafedrasynyń ashylýy áser etken.

Buǵan deıin sýdaǵy ásker qatarynda paıda bolǵan jańa kúshtik qurylym – Aqtaýdaǵy áskerı teńiz bazasyndaǵy súńgýirler rotasy týraly jazǵan edik.