Memlekettik qyzmetshilerge ne úshin aıyppul salynady?

<p>Sybaılas jemqorlyqqa qarsy qyzmet 8 aı ishinde 112 adamdy ákimshilik jaýapkershilikke tartty, salynǵan aıyppuldyń jalpy somasy shamamen 35 mln teńgeni quraıdy, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Antıkordyń málimetinshe, memlekettik qyzmetshiler kóbinese jemqorlyqqa qarsy shekteýlerdi buzǵany, sybaılas jemqorlyqqa qarsy is-qımyl jóninde sharalar qoldanbaǵany, bıznestiń zańdy qyzmetine kedergi keltirgeni, kásipkerlik qyzmetpen zańsyz aınalysqany, is júrgizý áreketterimen baılanysty quqyq buzýshylyqtar úshin ákimshilik jaýaptylyqqa tartylady.

Sybaılas jemqorlyqqa qarsy is-qımyl máselelerindegi ákimshilik is júrgizý tájirıbesi kóptegen elderinde qoldanylady.

Mysaly, frantsýz zańnamasynda jemqorlyq úshin qylmystyq jaýapkershilikke emes, ákimshilik sharalarǵa basymdyq beriledi.

Latvııada jemqorlar qylmystyq jaýapkershilikten 10 ese kóp ákimshilik jaýapkershilikke tartylady.

Ákimshilik praktıkany qoldanýdy halyqaralyq GREKO uıymy da usynady.

Agenttik normatıvtik quqyqtyq bazanyń tıimdiligin arttyrý jáne ákimshilik is júrgizý arqyly neǵurlym aýyr jemqorlyq kórinisteriniń ýaqtyly aldyn alý boıynsha belsendi jumys isteýde.

Máselen, Astana qalasy boıynsha Sybaılas jemqorlyqqa qarsy qyzmet departamenti Tekserý komıssııasynyń aýdıtoryn óz páterinde rolıkti perdeler ornatý túrinde zańsyz materıaldyq syıaqy alǵany úshin ákimshilik jaýapkershilikke tartty. Bul úshin aýdıtor obektini tekserý tiziminen alyp tastady. Bul jaǵdaıda obekt bastapqyda baqylaýǵa alynbady.

Mundaı áreketteri úshin tekserýshige 2 mln teńge aıyppul salyndy.

Sondaı-aq, jemqorlyq ákimshilik quqyq buzýshylyqtardyń keń taralǵan túrleriniń biri - laýazymdy tulǵalardyń kásipkerlik qyzmetke zańsyz aralasýy bolyp tabylady.

«Bıznes jol» jobasy aıasynda qala qurylysyn baqylaý, qala qurylysy jáne ýrbanıstıka basqarmalarynyń basshylary ákimshilik jaýapkershilikke tartyldy.

Almaty qalasynyń Antıkory bul laýazymdy tulǵalardyń adal kásipkerdiń zańdy qyzmetpen aınalysýyna kedergi keltiretin zańsyz aktiler shyǵarǵanyn anyqtady.

Almaty qalasynyń mamandandyrylǵan aýdanaralyq ákimshilik sotynyń sheshimimen zańsyz dep tanyldy:
- Qalalyq josparlaý jáne ýrbanıstıka basqarmasynyń AJZ toqtatý jáne JShS eskızdik jobasyn kelisý jónindegi is-qımyldary men habarlamalary;
-Qurylys-montajdaý jumystarynyń bastalǵany týraly habarlama bergen sýbektiler tiziliminen JShS-ni alyp tastaý boıynsha qala qurylysyn baqylaý basqarmasynyń is-áreketteri men habarlamasy.

Sot sheshiminiń negizinde laýazymdy tulǵalar zańsyz áreketteri úshin 100 AEK mólsherinde aıyppul salýǵa tartyldy.

ÁQBtK jemqorlyqqa qarsy shekteýlerdi saqtamaǵany úshin jaýapkershilikti de kózdeıdi.

Qostanaı oblysynda veterınarııalyq baqylaý jónindegi aýmaqtyq ınspektsııa basshysy bas mamandy jumysqa qabyldaǵan. Bul rette qyzmetker laýazymǵa taǵaıyndalǵanǵa deıin aktıvteri men mindettemeleri týraly deklaratsııany tapsyrmaǵan.

Osylaısha, veterınarııalyq ınspektsııa basshysy jemqorlyqqa qarsy is-qımyl boıynsha sharalar qabyldamaǵany úshin QR ÁQBtK-niń 680-baby boıynsha ákimshilik jaýapkershilikke tartylyp, 172 myń teńge aıyppul salyndy.

Sybaılas jemqorlyqqa qarsy qyzmet laýazymdy tulǵalardyń zańsyz áreketteri týraly aqparatty 1424 qysqa nómiri nemese @antikorkz_bot Telegram-boty arqyly qabyldaıdy.