Atyraýda saıajaı turǵyndary 40 jyl sý, gaz, jaryq jáne jolsyz kún keshýde

<p><span style="font-family: sans-serif; font-size: 18px;">Atyraýda qyryq jyldan beri ınfraqurylymy júrgizilmegen saıajaı turǵyndary jergilikti bılikkenazyn bildirip otyr, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat</a><span style="font-family: sans-serif; font-size: 18px;">&nbsp;Jibek Joly telearnasyna silteme jasap.</span></p>

 

 

Byltyr qalanyń eks ákimi 33-shi saıajaıda turatyn jurt aldynda esep berip, túıitkildi máseleler birjola sheshiletinin aıtqan. Qarajat qarastyrylyp, joldar da jóndeletinin ýáde etken. Biraq kútilgen ózgeris bolmaǵan.

Saıajaıǵa halyq ótken ǵasyrdyń 80-jyldary kóship kelgen. Sodan beri munda ne sý, ne gaz, ne jaryq joq.

«Problema jeterlik. Klýbta jınalys ótkizdi. Sonda ýáde berip, maýsymda jol salynady, bári jaqsy bolady dep bizdi sendirip ketti», - deıdi saıajaı turǵyny Aınagúl Sabalaqova.

Munda 200-den asa úı bar. Turǵyndardyń 70 paıyzy zeınetkerler men múmkindigi shekteýli jandar. Joldyń joqtyǵynan naýqastarǵa jedel járdem de jete almaıdy.

Halyq nazyn kezekti ret tyńdaýǵa kelgen ákimdik ókilderi saıajaı qalanyń aglomeratsııasyna kirmegenin aıtyp aqtaldy. Osynyń saldarynan qazynadan qarajat suratýǵa negiz joq. Qalanyń bas jospary 2017 jyly bekitilip ketken.

«2017 jyly bekitilgen bas josparǵa ózgerister engizilmeı, qala ákimdigi tarapynan birde-bir jobalyq qujattama jasaýǵa, ınfraqurylym jasaýǵa múmkinshilik bolmaıdy. Búginde qala ákimdigi usynysyn ózgertýge oblystyq basqarmaǵa usynǵan edi. Bas josparǵa merdiger anyqtaý oblystyq basqarmanyń quzyretine jatady», - dedi Atyraý qalasy ákiminiń orynbasary Erbolat Omarov.

Aıta keteıik, búgin Májilis depýtaty Maqsat Tolyqbaı saıajaılarǵa «aýyl» mártebesin berýdi surap, Úkimetke júgingen bolatyn.