ıÝlııa Pýtıntseva Qytaıdaǵy týrnırdiń shırek fınalyna joldama aldy

<p><span style="font-family: sans-serif; font-size: 18px;">Qazaqstannyń ekinshi, álemniń 81-raketkasy ıÝlııa Pýtıntseva Gýanjchoý (Qytaı) WTA 250 týrnıriniń shırek fınalyna shyqty, dep habarlaıdy QazAqparat tilshisi.</span></p>

Qazaqstandyq tennısshi ekinshi aınalymda álemniń 76-raketkasy, danııalyq Klara Taýsonmen oınady.

Birinshi partııany danııalyq sportshy óz paıdasyna aıaqtady – 6:3. Ekinshisinde taı-breıkte ıÝlııa ese qaıyrdy – 7:6 (7:5). Osydan keıin K.Taýson jaraqatyna baılanysty kezdesýdi jalǵastyrýdan bas tartty. Eki saǵatqa jýyq ýaqytqa sozylǵan báseke barysynda K.Taýson 5 eıs jasap, 13 breık-poınttyń bireýin ǵana paıdalandy.

ıÝlııa Pýtıntseva jartylaı fınalǵa shyǵý úshin álemniń 48-inshi, jarystyń 3-raketkasy, germanııalyq Tatıana Marııamen talasady. Ol ekinshi aınalymda reıtıngte 129-satydaǵy qytaılyq Chjý Sıan Baıdyń meselin qaıyrdy – 6:1, 6:2.

Eske sala keteıik, budan buryn ıÝlııa Pýtıntsevanyń Qytaıdaǵy týrnırdi jeńispen bastaǵanyn jazǵan bolatynbyz.

Sondaı-aq Aleksandr Býblık juptyq synda Qytaıdaǵy týrnırdiń shırek fınalyna ótti.