Qarabaq armıandary men Baký arasynda kelissóz bastaldy

<p><span style="font-family: sans-serif; font-size: 18px;">Búgin Qarabaq armıandary </span><span style="font-family: sans-serif; font-size: 18px;">Ázerbaıjannyń osyndaǵy armıandarmen baılanysýǵa jaýapty adamymen kezdesý úshin</span><span style="font-family: sans-serif; font-size: 18px;"> </span><span style="font-family: sans-serif; font-size: 18px;">Evlah qalasyna keldi, dep habarlaıdy QazAqparat </span><a style="font-family: sans-serif; font-size: 18px;" href="https://azertag.az/ru/xeber/predstaviteli_armyanskoi_obshchiny_karabaha_pribyli_v_evlah_video-2756575" target="_blank" rel="noopener">ÁZERTADJ</a><span style="font-family: sans-serif; font-size: 18px;"> basylymyna silteme jasap.</span></p>

Qazirgi ýaqytta kezdesýge sońǵy daıyndyq jumystary júrip jatyr.

Kezdesýde Ázerbaıjan Respýblıkasynyń Konstıtýtsııasy men zańdaryn negizge alyp qaıta birigý máselesi talqylanady.

Ázerbaıjan áskeriniń Qarabaqtaǵy lańkestikke qarsy operatsııasy separatısterdiń tize búgýimen aıaqtaldy.

Qarabaqta ornalasqan Reseı bitimger kúshteri qolbasshylyǵynyń araǵaıyndyǵymen 20 qyrkúıek saǵat 13:00-den bastap áskerı is-qımyldy tolyq toqtatý týraly kelisimge qol jetkenin eske sala keteıik.

Kelisim boıynsha Armenııanyń qarýly kúsh qurylymdary, Ázerbaıjan Respýblıkasy Qarabaq aımaǵynda ornalasqan zańsyz áskerı qurylymdar qarýyn tastap, janjal orny men áskerı posttardan ketip jatyr.

Armenııa qarýly kúshteri Ázerbaıjan aýmaǵyn bosatyp, zańsyz armıan áskerı qurylymdary taratylyp jatyr. Sonymen qatar oq-dári men aýyr tehnıka da tapsyryldy.

Joǵarydaǵy protsesterdi Reseı bitimger kontıngenti úılestiredi. 

Buǵan deıin «Armenpress» basylymy Artsah prezıdentiniń apparaty osy másele boıynsha málimdeme taratyp, 21 qyrkúıek kúni Evlahta Qarabaq pen Ázerbaıjan bıligi ókilderiniń kezdesýi josparlanǵanyn habarlaǵan bolatyn. 

Sondaı-aq Rım Papasy da Qarabaqtaǵy janjaldy beıbit jolmen sheshýge shaqyrdy.