Gennadıı Golovkın endi Qazaqstannyń úzdik boksshysy emes

<p><span style="font-family: sans-serif; font-size: 18px;">Meıirim Nursultanov álemdik reıtıngide Qazaqstannyń úzdik boksshysy atandy, dep habarlaıdy QazAqparat Instagram-daǵy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://www.instagram.com/p/CxUgjYvoyHk/" target="_blank" rel="noopener">Qazaqstannyń kásipqoı boksy paraqshasyna</a><span style="font-family: sans-serif; font-size: 18px;">&nbsp;silteme jasap.</span></p>

Gennadıı Golovkın (42-2-1, 37 KO) uzaq ýaqyt úzilis sebebimen Boxrec.com reıtınginen shyǵaryldy. Osylaısha ol Qazaqstannyń úzdik boksshylary tizimindegi birinshi orynnan túsip qaldy.

Golovkınniń ornyn WBO International nusqasy boıynsha orta salmaqtaǵy chempıon Meıirim Nursultanov (19-0, 11KO) basty.

Qazaqstan boksshylarynyń TOP-úshtigine, sondaı-aq WBO nusqasy boıynsha orta salmaqtaǵy álem chempıony Jánibek Álimhanuly (14-0, 9KO) men Bekman Soılybaev (17-1, 18KO) enip otyr.

Gennadıı Golovkınge keler bolsaq, 41 jastaǵy boksshy bıylǵy jyly barlyq chempıondyq beldiginen bas tartqan bolatyn. Ol rıngke orala ma, álde sporttan ketý sheshimin qabyldaı ma – ázirge belgisiz.

Aıta keteıik, BoxRec portaly tamyz aıynyń basynda salmaq sanatyna qaramastan álemdegi úzdik boksshylardyń reıtıngin jarııalaǵan bolatyn. Onda Golovkın Terens Kroýford (AQSh), Saýl Alvares (Meksıka), Dmıtrıı Bıvol (Reseı) jáne Naoıa Inoýeden (Japonııa) keıingi 5-orynda ornalasqan.