Qazaqstan men Sıngapýr arasyndaǵy ekonomıkalyq baılanys nyǵaıa túspek

<p>Búgin QR Premer-Mınıstriniń orynbasary - qarjy mınıstri Erulan Jamaýbaev sıngapýrlyq &laquo;Surbana Jurong Group&raquo; kompanııasynyń bas dırektory Shon Chao myrzamen kezdesti, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Kezdesý barysynda elektr energetıkasy, jańartylatyn energııa kózderi, kólik ınfraqurylymy, sýmen jabdyqtaý salasyndaǵy yntymaqtastyq boıynsha ózekti máseleler talqylandy.

Erulan Jamaýbaev 2022 jyly eki el arasyndaǵy taýar aınalymy 2021 jylmen salystyrǵanda 65,1%-ǵa ósip, $1,9 mlrd-qa jetkenin atap ótti. Qazaqstan ekonomıkasyna sıngapýrlyq kapıtal ınvestıtsııasynyń turaqty ósimi baıqalady. 2023 jyldyń birinshi toqsanynda $92,2 mln jınaldy. Al jalpy 20 jyldan az ýaqyt ishinde Sıngapýrdan $1,2 mlrd tartyldy.

Sondaı-aq ol búginde Qazaqstanda sıngapýrlyq kapıtaldyń qatysýymen 200-den astam kásiporyn jumys isteıtinin atap ótti.

«Biz Ortalyq Azııadaǵy ınvestıtsııalyq kóshbasshy bolyp qalý úshin sheteldik ınvestıtsııalardyń aǵynyn qoldaýǵa qajetti barlyq múmkin sharalardy qabyldaımyz», — dedi Erulan Jamaýbaev.

Sonymen qatar vıtse-premer Sıngapýrdyń Ońtústik-Shyǵys Azııa aımaǵyndaǵy negizgi seriktes retindegi mańyzdylyǵyn atap ótti.

Óz kezeginde Shon Chao Qazaqstan men Sıngapýr aımaqtaryn túrli salalardaǵy kóp jyldyq tyǵyz yntymaqtastyq baılanystyratynyn, ony keńeıtý úshin jetkilikti áleýet bar ekenin jetkizdi.