Áskerı teńizshiler Kaspııden keletin qaterge qalqan bolyp otyr ma

<p><span style="font-family: sans-serif; font-size: 18px;">El egemendik alǵaly jaýyngerlik teńiz floty otandyq úlgidegi jańa kemelermen tolyǵyp, sýdaǵy ásker qatarynda jańa kúshtik qurylymdar paıda boldy. Sonyń biri &ndash; Aqtaýdaǵy áskerı teńiz bazasyndaǵy súńgýirler rotasy, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Sý astynda áreket etetin arnaıy jasaq desantty-shabýyldaý áskerlerimen birlese qımyldaıdy. Olar sońǵy úlgidegi qarý-jaraqpen jabdyqtalǵan, sýda aýa kópirshigin shyǵarmaıtyn ottegi ballonymen tynystaıdy.

Desantty-shabýyldaýshy áskerler qatary 6 aı saıyn jas sarbazdarmen tolyǵyp turady.

«Kez kelgen áskerlerden birinshi bolyp, buryn kelý – eń basty maqsatymyz. Osy sala qaterge toly, ol ras. Kún demeı, tún demeı komanda berilgen boıda – qashan da daıynbyz.

Sý astynda áreket etetin jasaq qazaqstandyq zaýytta jasalǵan oqý-jattyǵý kesheninde qysy-jazy biliktiligin shyńdaıdy. Jaǵalaýda turǵan nysannyń bıiktigi 14 metrge jýyqtaıdy. Sonyń 6 metr bóligine teńiz sýy toltyrylǵan. Súńgýirler toby sý astynda jasaıtyn is-áreketin osynda qaıtalaıdy. Keshenniń keme palýbasyna uqsas bólmesine arqanmen órmelep shyǵý, kaıýta ishine bekingen qarsylastyń kózin joıý únsiz, ári meılinshe jedel atqarylady», – deıdi súńgýirler rotasynyń aǵa matrosy Zamanbek Baqtygereev.

 

Arnaıy jasaq lańkester basyp alǵan keme nemese teńiz ınfraqurylymyna dybys shyǵarmaı jaqyndap, jaýdyń kózin joıýǵa mashyqtanǵan.

«Sý astynan kelemiz. Bizdiń kelgenimizdi eshkim baıqamaý kerek. Gıdrokostıýmder qara tústi bolǵandyqtan túnde bizdi eshkim kórmeıdi. Sý astynda atatyn arnaıy pıstoletter bar. SPP-1 dep atalady. Desantty-shabýyldaýshy áskerler jaǵalaýda júgiredi», – dedi súńgýirler rotasynyń komandıri Jánibek Salıkbaev.

 

Súńgýirler desantty-shabýyldaýshy topqa jol ashyp beredi. Odan ári kúshtik qurylym platsdarmǵa bekinip, jaýdy talqandaıdy. Teńiz desantshylarynyń jattyǵýy kúrdeli. Ala jolaq jeıdeli sarbazdar kúnde jaǵalaý jıegimen birneshe shaqyrym júgiredi. Qarýmen jáne atys quralynsyz jekpe-jek urys tásilderine úırenedi.

 

«Buryn Kaspıı teńizin tek qana teledıdardan kóretin edim. Qazir desantty-shabýyldaý batalonynda qyzmet etip jatyrmyn. Teńizdiń jaǵasynda jattyǵýlar kúndelikti ótedi jáne bul aldaǵy ýaqytta bizge óz paıdasyn tıgizedi degen oıdamyn», – matros Nazar Nazaruly.

Aıta keteıik, taıaýda Aqtaý teńiz portyndaǵy taktıkalyq oqý-jattyǵýda jaýyngerler kásibı sheberligin baıqatty.