«Qazaqstan» sport kesheniniń qurylysy nege toqtap tur: Astana ákiminiń jaýaby

<p><span style="font-family: sans-serif; font-size: 18px;">Astana ákimi Jeńis Qasymbek &laquo;Qazaqstan&raquo; sport kesheniniń qurylysy qashan aıaqtalatynyn aıtty, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat.</a></p>

Ákimniń aıtýynsha, qazir nysannyń qurylysy toqtap tur. Sebebi ınvestor jumysyn tolyq júrgize almaǵan.

«Sport kesheni apatty jaǵdaıda bolǵan soń eki jyl buryn nysandy jańǵyrtý jumysy bastalǵan edi.

Ókinishke qaraı, ınvestor qurylys jumysyn tolyq júrgize almady. Jumys bir orynda toqtap tur deýge bolady.
Degenmen bir kezderi tanymal bolǵan nysannyń osyndaı kúıde turýyna biz jol bermeımiz. Sondyqtan qosymsha qarjylandyrý kózderin qarastyryp jatyrmyz», – dep jazdy ákim Instagram-paraqshasynda.

Foto: Astana ákimdiginiń baspasóz qyzmeti

Búgin J.Qasym, sondaı-aq Qajymuqan Muńaıtpasov kóshesinde salynyp jatqan sport ortalyǵynyń («Qazaqstan» sport kesheni janynda) qurylys basyna bardy. Nysannyń jalpy aýdany 10 myń sharshy metrden astamdy quraıdy.

Jospar boıynsha onda ústel tennısi úıirmeleri, fýtbol, basketbol, voleıbol zaldary, IT úıirmeleri – lego jáne kıbersport, qysh sheberligi mektebi, shahmat, kúres, boks zaldary jáne taǵy basqasy bolady. Bul sport ortalyǵy kelesi jyly ashylady dep josparlanyp otyr.

«Budan bólek, qalada buqaralyq sportty damytý úshin dene shynyqtyrý-saýyqtyrý keshenderin salyp jatyrmyz, balalar men jasóspirimderge arnalǵan sport mektepteri men federatsııalardy qoldaımyz, aýlalar men qoǵamdyq keńistikterdi (saıabaqtar, gúlzarlar, jelekjoldar) jáne ózgesin abattandyramyz», – deıdi Astana basshysy.

Foto: Astana ákimdiginiń baspasóz qyzmeti