Egin dalada qalmaıdy – Aýyl sharýashylyǵy mınıstri

<p><span style="font-family: sans-serif; font-size: 18px;">Bıyl elimiz 16 mln tonna astyq bastyrýdy josparlap otyr. Bul týraly Aýyl sharýashylyǵy mınıstri Aıdarbek Saparov aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Ákimdikterdiń derekteri boıynsha 16 mln tonna astyq bastyrylady dep boljap otyrmyz. Múmkin odan da kóbirek bolar. 16 mln dep eń tómengi mejeni aldyq. Búginde 6 mln tonna astyq bastyryldy. Onyń 1 mıllıony elevatorǵa kirdi. Sapasy zerthanada tekserildi, 80 paıyzy úshinshi surypty. Qalǵan astyq ta elevatorǵa kirgizilgennen keıin sapasy tekseriledi. Jalpy, bıdaı jetkilikti bolady, - dedi mınıstr Ortalyq kommýnıkatsııalar qyzmetindegi brıfıngte.

Vedomstvo basshysy egin jınaý naýqany qıyn bastalǵanyn atap ótti.

Úsh aptadaı jańbyr jaýdy. Biraz sharýashylyq toqtap qaldy. Biraq, qazir egin jınaýǵa kiristi, biz de kómektesip jatyrmyz. Egin dalada qalmaıdy dep josparlap otyrmyz. Óıtkeni, tehnıkasy jetpeıtin sharýashylyqtar bolsa, kórshi aýdannan, kórshi oblystan kombaın jiberemiz. Ony baqylap otyrmyz. Sharýashylyqtarǵa kómek bolady. Eń bastysy – egindi shashpaı-tókpeı jınap alý, - dedi Aıdarbek Saparov.

Mınıstrdiń atap ótýinshe, bıyl astyq eksporty deńgeıi byltyrǵydan tómen bolady.

Óıtkeni, eginniń sapasy da, ónimi de tómen. Biraq, eksporttyq deńgeıde saqtaýǵa tyrysamyz. Byltyrdan qalǵan 3 mln tonna astyǵymyz bar. Sony qosqanda eksport deńgeıin saqtaýǵa múmkindik bolady. Buryn bıdaıdyń 95 paıyzy úshinshi surypty bolsa, bıyl 4, 5 surypty bıdaı kóbeıýi múmkin. Bul da eksportqa áser etedi, - dedi A.Saparov.