Depýtat dárigerlerge arnalǵan turǵyn úı baǵdarlamasyn ázirleýdi usyndy

<p>Elordadaǵy memlekettik densaýlyq saqtaý uıymdaryndaǵy medıtsına qyzmetkerleriniń 40 paıyzynda óz baspanasy joq. Bul týraly Senattyń jalpy otyrysynda depýtat Bıbıgúl Jeksenbaı aıtty, dep habarlaıdy <a href="Elordadaǵy%20memlekettik%20densaýlyq%20saqtaý%20uıymdaryndaǵy%20medıtsına%20qyzmetkerleriniń%2040%20paıyzynda%20óz%20baspanasy%20joq.%20Bul%20týraly%20Senattyń%20jalpy%20otyrysynda%20depýtat%20Bıbıgúl%20Jeksenbaı%20aıtty,%20dep%20habarlaıdy%20QazAqparat%20tilshisi." target="_blank" rel="noopener">QazAqparat </a>tilshisi.</p>

«Halyqty tıimdi baǵa boıynsha turǵyn úımen qamtamasyz etýge baǵyttalǵan memlekettik baǵdarlamalar aıasynda áskerı qyzmetshiler jáne basqa áleýmettik jaǵynan álsiz toptar ókilderi baspana ala alady. Biraq medıtsına qyzmetkerlerine arnalǵan jeńildetilgen nesıemen úı alýǵa múmkindik beretin birde-bir baǵdarlama joq. Medıtsına qyzmetkerleri degen sanatqa kiretinderge bólek turǵyn úı baǵdarlamasyn nemese jeńildetilgen nesıe berý týraly baǵdarlama qabyldaý máselesin qarastyrýyńyzdy suraımyn», - dedi B. Jeksenbaı Úkimet basshysy Álıhan Smaıylovtyń atyna joldaǵan saýalynda.

Depýtat medıtsına qyzmetkerleri úshin demalys kúnderin ulǵaıtý máselesine de Úkimettiń nazaryn aýdardy. Emhanadaǵy medıtsına qyzmetkerleriniń jyl saıynǵy eńbek demalysy kúnderiniń jalpy sany eńbek jaǵdaıyna baılanysty kúntizbe boıynsha 36-dan 42 kúnge deıin bolady.

«Pedagogtyń mártebesi týraly» Zańyna sáıkes, pedagogtarǵa jyl saıyn uzaqtyǵy 56 kúnge aqyly eńbek demalysyna kepildik beriledi. Osynyń negizinde medıtsına qyzmetkerleri eńbek jaǵdaılaryna baılanysty keminde 40 kún jáne odan da kóp kúndi quraıtyn jyl saıynǵy aqyly eńbek demalysy merzimin kóbeıtý máselesin qaraýdy surap otyr», - dedi Bıbıgúl Jeksenbaı.