Qazaqstan men Fınlıandııa basshysy BUU-ny reformalaý jóninde pikir almasty

<p><span style="font-family: sans-serif; font-size: 18px;">Memleket basshysy Fınlıandııa Prezıdenti Saýlı Nıınıstemen kelissóz júrgizdi, dep habarlaıdy<a href="https://kaz.inform.kz/" target="_blank" rel="noopener"> QazAqparat </a>Aqordanyń <a href="https://t.me/aqorda_resmi" target="_blank" rel="noopener">baspasóz</a> qyzmetine silteme jasap.</span></p>

Qasym-Jomat Toqaev Fınlıandııany Qazaqstannyń Soltústik Eýropa elderi arasyndaǵy eń iri saýda seriktesi jáne ınvestıtsııa kólemi boıynsha onyń aldyńǵy orynda ekenin atap ótti.

Sondaı-aq saıası, saýda-ekonomıkalyq jáne ǵylymı-tehnıkalyq yntymaqtastyqty odan ári nyǵaıý úshin zor áleýet bar ekeni aıtyldy.

Saýlı Nıınıste Qazaqstan Fınlıandııanyń asa mańyzdy seriktesi jáne ekijaqty kún tártibiniń barlyq baǵyty boıynsha ózara tıimdi yqpaldastyqty jalǵastyrýǵa daıyn ekenin málimdedi.

Taraptar halyqaralyq saıasattyń ózekti máseleleri, sonyń ishinde BUU-ny reformalaý jóninde de pikir almasty.

Memleket basshysy Fınlıandııa Prezıdentin kelesi jyly ótetin Astana halyqaralyq forýmynyń negizgi spıkerleriniń biri retinde Qazaqstanǵa shaqyrdy.