«Azyq-túlik» korporatsııasynyń jarǵylyq kapıtaly ulǵaıýy múmkin

<p>Azyq-túlik pen jemge qajet astyqty tikeleı satyp alý úshin &laquo;Azyq-túlik korporatsııasynyń&raquo; jarǵylyq kapıtalyn ulǵaıýy múmkin, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</p>

Premer-Mınıstr Álıhan Smaıylov Úkimet otyrysynda osy máseleni pysyqtaýdy tapsyrdy.

Bıylǵy azyq-túlik pen jemge qajet astyqty tikeleı satyp alý úshin «Azyq-túlik korporatsııasynyń» jarǵylyq kapıtalyn ulǵaıtý máselesin pysyqtaý kerek.
Aýyl sharýashylyǵy mınıstrligi men Azyq-túlik korporatsııasy nan óndirisine qajetti arzandatylǵan bıdaıdy jetkizý kestelerin qaıta qaraýy tıis.

«Biz búgin Jambyl oblysynyń sharýalaryna shyǵyndy óteý úshin Úkimet rezervinen qarjy bólý týraly qaýly qabyldaımyz.
Qarjy mınıstrligi men óńir ákimdigi oblystyń zardap shekken eginshilerine tólemderdiń tez arada jetkizýin qamtamasyz etýi tıis.
Kólik mınıstrligi men «Qazaqstan temir joly» kompanııasy astyq tasıtyn vagondarmen ýaqytyly qamtamasyz etip, temirjoldaǵy uzyn-sonar kezekti boldyrmaýy tıis. Bizdiń mindetimiz – egindi sapaly jınap alýdy qamtamasyz etý», - dedi ol.

Úkimet basshysy fermerler aldyndaǵy sýbsıdııa qaryzyn tolyq kólemde tóleýdi de tapsyrdy.

«Aýyl sharýashylyǵy mınıstrligine Ulttyq ekonomıka mınıstrligimen birge bul baǵyttaǵ yjumysty jedeldetý kerek. Qarjy, Aýyl sharýashylyǵy jáne Ulttyq ekonomıka mınıstrlikteri agroónerkásip keshenin sýbsıdııalaý úshin qosymsha qarajat bólý jumystaryn júrgizýi qajet», - dedi Álıhan Smaıylov.