Qazaqstandyqtardy 80 mln teńgege san soqtyrǵan ınternet-alaıaqtar toby ustaldy

<p>ShQO polıtseıleri qazaqstandyqtardy 80 mıllıon teńgege san soqtyrǵan ınternet-alaıaqtar tobyn quryqtady, dep habarlaıdy <a href="https://kaz.inform.kz/" target="_blank" rel="noopener">QazAqparat </a><a href="https://polisia.kz/shqo-politsejleri-qazaqstandyqtardy-80-million-tenggege-san-soqtyrghan-internet-alayaqtar-tobyn-quryqtady/" target="_blank" rel="noopener">Polisia.kz</a>-ke silteme jasap.</p>

 ShQO PD krımınaldyq polıtsııa “Kıberpol” qyzmetkerleri ınternet-alaıaqtyq faktileri boıynsha kóp epızodty qylmystyq isti ashty. Buǵan deıin Óskemen qalasy PB Úlbi polıtsııa bólimine oblys ortalyǵynyń turǵyny ótinishpen júgingen. Ol belgisiz adam qońyraý shalyp, ózin bank qyzmetkeri retinde tanystyrǵanyn aıtqan. Suhbattasýshy onyń atyna aqshalaı nesıe resimdelgenin aıtyp, óz kómegin usynǵan. Banktiń jalǵan qyzmetkeri sengish jábirlenýshiniń saýalnamalyq derekterin alyp, oǵan 1 mıllıon teńge kóleminde nesıe resimdegen.

Jedel-izdestirý is-sharalaryn júrgizý barysynda polıtsııa qyzmetkerleri úsh kúdiktiniń jeke basyn anyqtady. Tártip saqshylary olardyń úılerindegi zattaı dáleldemelerdi tárkiledi.

Alaıaqtardyń shotynda búkil Qazaqstan boıynsha 50-den astam jábirlenýshi bar, al zalal somasy shamamen 80 mıllıon teńgeni quraıdy. Jas adamdar jumysty tanymal messendjer arqyly tapqany anyqtaldy. Olardyń róli qylmystyq jolmen alynǵan bóten adamdardyń aqshasyn bankomattar arqyly zańsyz qolma-qol aqshaǵa aınaldyrý bolǵan. Keıin olar mámileniń belgili bir paıyzyn alyp, aqshany krıptovalıýtaǵa aýdaryp otyrǵan.

Polıtsııa departamenti QR QK-niń 190-baby 2-bóligi (Alaıaqtyq) boıynsha sotqa deıingi tergeýdi bastady, qazirgi ýaqytta qajetti tergeý jáne jedel-izdestirý is-sharalary júrgizilip jatyr. Tıisti sot saraptamalary taǵaıyndaldy.