Bıýdjet saıasatyn qalyptastyrý men iske asyrý tásilderin ózektendirý kerek – Álıhan Smaıylov
«2004 jyldan beri bıýdjet salasynda birqatar mańyzdy jáne júıeli reformalar júrgizilip keledi. Atap aıtqanda, bıýdjet zańnamasy bir retke jáne júıege keltirildi. Sondaı-aq, nátıjege baǵyttalǵan bıýdjet qalyptastyrýǵa kóshtik. Osylaısha, bıýdjettik quqyqtyq qatynastardy retteýdiń birtutas saıasaty quryldy. Bıýdjet júıesiniń biryńǵaı prıntsıpteri belgilenip, bıýdjetaralyq qatynastardy jetildirý jumystary iske asyryldy», - dedi Álıhan Smaıylov.
Premer-Mınıstr bıýdjettik saıasatty qalyptastyrý men iske asyrý tásilderin qaıta qarap, ózektendirý qajettigin atap ótti.
«Memleket basshysynyń Joldaýynda aıqyndalǵan jańa ekonomıkalyq baǵytty iske asyrý úshin bıýdjettik saıasatty qalyptastyrý men iske asyrý tásilderin ózektendirý kerek. Jańa kodeks memlekettiń barlyq qarjylyq aǵyndaryn shoǵyrlandyryp, bıýdjet erejeleriniń qatań saqtalýyn jáne kvazımemlekettik sektor sýbektileriniń esep berýin qamtamasyz etedi. Bıýdjet kodeksi memlekettik qarjyny bólý prıntsıpterin aıqyndaıtyn negizdemelik ári ıkemdi qujatqa aınalady. Qujattaǵy novellanyń biri – bloktyq bıýdjetteýdi pılottyq túrde engizý. Ol memlekettik organdardyń derbestigi men jedeldigin arttyrýǵa yqpal etetin bolady. Sonymen qatar, jańa kodeks bıýdjetti ındıkatıvti josparlaýdan tolyqqandy 3 jyldyq josparlaýǵa kóshýdi bekitip beredi. Bıýdjettik baǵdarlama ákimshileri belgili bir jaǵdaılarda qarajatty óz betinshe qaıta bólý quqyǵyna ıe bolady», - dep toqtaldy Álıhan Smaıylov.