Qazaqstan men Iran kólik, saýda, logıstıka boıynsha yqpaldasýǵa nıetti

<p><span style="font-family: sans-serif; font-size: 18px;">Memleket basshysy Iran Prezıdenti Ibrahım Raısımen kezdesti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Aqoradynyń <a href="https://t.me/aqorda_resmi" target="_blank" rel="noopener">baspasóz</a> qyzmetine silteme jasap.</span></p>

Prezıdent Qazaqstannyń Kaspıı teńizi aımaǵyndaǵy strategııalyq seriktesi retinde Iranmen ekijaqty qarym-qatynastardy nyǵaıtýǵa basa mán beretinin aıtty.

Kelissóz barysynda eki el basshylary qazaq-ıran yntymaqtastyǵynyń qazirgi jaı-kúıin jáne ózara qatynastardy odan ári damytý perspektıvasyn talqylady. Taraptar kólik, logıstıka jáne saýda-sattyq salalaryndaǵy yqpaldastyqty arttyrý úshin keshendi sharalar qabyldaý mańyzdy ekenin atap ótti.

– Biz vıza rásimine, sondaı-aq adamdar men bıznestiń ózara qarym-qatynasyna qatysty óte paıdaly ýaǵdalastyqtarǵa qol jetkizdik. Qazaqstan tarapy Iranmen aradaǵy yntymaqtastyqty nyǵaıtýǵa nıetti ekenin atap ótkim keledi. Eki el úkimetteri buǵan deıin Tegeranda qol jetkizgen ýaǵdalastyqtardy júzege asyrý úshin tıisti sharalar qabyldaýy qajet. Men Qazaqstanda Sizben taǵy da kezdesýdi asyǵa kútemin, – dedi Qasym-Jomart Toqaev.

Memleket basshysy eki eldiń Shanhaı yntymaqtastyq uıymy jáne basqa da halyqaralyq qurylymdar aıasyndaǵy ózara yqpaldastyǵyn oń baǵalady.