Aýyldy jerlerde baspana qurylysynyń qarqyny qalaı

<p><span style="font-family: sans-serif; font-size: 18px;">ASTANA. QazAqparat &ndash; Bıylǵy qańtar-tamyz aılary aralyǵynda Qazaqstan aýyldarynda 12 184 turǵyn úı paıdalanýǵa berilgen, olardyń jalpy somasy &ndash; 304,1 mlrd teńge, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat.</a></p>

Ulttyq statıstıka bıýrosynan málim etkendeı, 12 184 úıdiń ishinde 12 020 – jeke úıler, 146 – kóppáterli baspanalar, qalǵan 18 – jataqhanalar.

Óńirler arasynda salynyp bitken turǵyn úılerdiń aýdany boıynsha Almaty oblysy kósh bastap tur – 557,3 myń sharshy metr. Odan keıingi oryndarda Túrkistan oblysy (273,7 myń m2) men Qyzylorda oblysy (271,2 myń m2) ornalasqan.

Ósim qarqyny boıynsha Ulytaý oblysy alǵa shyǵyp otyr. Onda ótken jyldyń qańtar-tamyzymen salystyrǵanda salynǵan turǵyn úılerdiń jalpy aýdany 52,8% ulǵaıdy.

Kerisinshe, baıaý qarqyn Qaraǵandy oblysynda baıqaldy – 2022 jyldyń sáıkes kezeńimen salystyrǵanda 31,6% az.

Sonymen qatar bıylǵy segiz aıda aýyldy jerlerde 40 bilim berý jáne densaýlyq saqtaý nysany paıdalanýǵa berildi. Onyń ishinde 17 orta mektep – 4,5 myń oryndyq, mektepke deıingi 14 mekeme – 1,1 myń oryndyq jáne 9 dárigerlik ambýlatorııa.