Toqaev Kenııa Prezıdenti Ýılıam Rýtony Qazaqstanǵa shaqyrdy

<p>Memleket basshysy Kenııa Respýblıkasynyń Prezıdenti Ýılıam Rýtomen kezdesti, dep habarlaıdy QazAqparat.&nbsp;</p>

Kezdesý barysynda Kenııamen saýda-ekonomıkalyq qatynastardy keńeıtý máseleleri talqylandy.

Prezıdent Kenııany Afrıka qurlyǵyndaǵy qarqyndy damyp kele jatqan elderdiń biri retinde atap ótip, ózara yntymaqtastyqty damytýǵa erekshe qyzyǵýshylyq týǵyzatyn memleket ekenin jetkizdi.

– Men Kenııanyń damý barysyn, ekonomıkalyq jáne syrtqy saıasatyn qadaǵalap otyramyn. Sondaı-aq Qazaqstan men Kenııa arasyndaǵy yntymaqtastyqty jańa deńgeıge kóterý úshin birlese áreket etýge daıynmyn, – dedi Qasym-Jomart Toqaev.

Óz kezeginde Ýılıam Rýto qazaqstandyq kompanııalardy Kenııa ekonomıkasyna belsendi túrde ınvestıtsııa quıýǵa, sonyń ishinde astyq termınalyn salý arqyly Mombasa portyn keńeıtý múmkindigin qarastyrýǵa shaqyrdy.

Foto: Aqorda

Memleket basshysy ózara yntymaqtastyqty nyǵaıtýdyń múmkindikterin zertteý úshin Kenııaǵa saýda mıssııasyn jiberýge nıetti ekenin aıtty.

Prezıdent Afrıka memleketterimen ekijaqty deńgeıde jáne kópjaqty birlestikter aıasynda, eń aldymen BUU sheńberinde ózara baılanysty damytýdyń mańyzyn atap ótti.

Memleket basshysy Ýılıam Rýtony kelesi jyly Qazaqstanǵa saparmen kelýge jáne Astana halyqaralyq forýmyna qatysýǵa shaqyrdy.