Aqtóbede 10 jastaǵy qyz alaıaqtardyń qurbany boldy

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Aqtóbede 10 jastaǵy qyz alaıaqtardyń qurbany boldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> <a href="https://polisia.kz/" target="_blank" rel="noopener">Polisia.kz</a>-ke silteme jasap.</span></p>

Belgisiz áıel úı telefonyna qońyraý shalyp, 10 jastaǵy qyzǵa anasynyń jaıaý júrginshini qaǵyp ketkenin, ony qutqarý úshin kóp aqsha qajet ekenin aıtqan. Ózin tergeýshi retinde tanystyrǵan áıel tipti telefondy qyzdyń anasyna bergendeı keıip tanytqan. «Anasy» jylaǵan daýyspen baladan úıdegi barlyq jınaq aqshany berip jiberýdi ótingen.

Budan ári alaıaq 10 jastaǵy qyzǵa 700 myń teńge kólemindegi aqsha salynǵan paketti óziniń sybaılasyna qalaı berý keregin aıtqan. Anasynyń qıyndyqqa tap bolǵanyna senip, shoshyp qalǵan bala aqshany olar aıtqan nusqaý boıynsha berip jibergen.

Anasy úıge kelgennen keıin ǵana balanyń alaıaqtarǵa aldanǵany belgili bolǵan.

Polıtsııa qyzmetkerleri jedel-izdestirý is-sharalary barysynda 23 jastaǵy kúdiktini ustady. Ol óziniń kinásin moıyndap, áleýmettik jeli arqyly belgisiz adammen kezdeskenin aıtty. Ol oǵan jumys usynǵan. Mindet jábirlenýshiden aqsha alý jáne barlyq somany kórsetilgen «jumys berýshiniń» shotyna aýdarý bolǵan.

Osy fakti boıynsha QR QK-niń 190-baby 1-bóligi (Alaıaqtyq) boıynsha sotqa deıingi tergeý bastaldy.

Óńirde alaıaqtyqtyń qurbany bolyp, polıtsııaǵa júgingender sany artyp barady. Alaıaqtar jábirlenýshilerge týystary apatqa ushyraǵanyn aıtyp qońyraý shalyp, zardap shegýshilerdi emdeý nemese qylmystyq isti toqtatý úshin qajet degen syltaýmen aqsha talap etedi.

Polıtsııa qyzmetkerleri mundaı qońyraýlarǵa senbes buryn, anyq-qanyǵyna kóz jetkizý kerek ekenin eske salady.