Túrki memleketteri eńbek mıgratsııasyn birlesip rettemek

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Túrki ınvestıtsııalyq qorynyń qarajaty baýyrlas elder arasyndaǵy eńbek mıgratsııasyn retteýge de baǵyttalmaq. Bul týraly Ulttyq ekonomıka mınıstri Álibek Qýantyrov Májilis otyrysynan keıin BAQ ókilderiniń suraǵyna bergen jaýabynda aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

«Túrki ınvestıtsııalyq qory Túrki memleketteri uıymyna múshe 5 memlekettiń árqaısysyndaǵy jobalardy qarjylandyrýǵa da baǵyttalady. Múshelerden bólek baqylaýshy eki el bar. Bul qor kóshi-qonǵa qalaı áser etedi desek, jobalardy iske asyrý arqyly áser etedi. Mysaly, jasyl ekonomıka, energetıka, týrızm, agroónerkásip kesheni jáne basqa da jobalar qolǵa alynady. Osyndaı jobalar qarjylandyrylsa, adamdar óz mekeninde qalady nemese shoǵyrlanyp jumys isteıdi. Osylaısha Túrki memleketteri uıymynyń arasynda tehnıkalyq kásibı baǵyttaǵy jaǵymdy kóshi-qon qalyptasady», - deıdi Álibek Qýantyrov.

Sondaı-aq ol Túrki ınvestıtsııalyq qorynyń qarajaty Túrki memleketteri uıymyna múshe elderdiń aýmaǵyndaǵy jobalardy ǵana qarjylandyratynyn atap ótti.

«ıAǵnı, uıymnyń ishindegi elderdiń arasyndaǵy eńbek kóshi-qony jaqsarady. Óıtkeni ázirge uıymǵa 5 memleket qana múshe. Jobalar osy elderde ǵana júzege asady. Túrki ınvestıtsııalyq qoryna kim jarna tóleıdi, kim ınvestıtsııa salady, sol elderde jobalar iske asady», - dedi mınıstr.

Aıta keteıik, halyqaralyq qordyń bastapqy jarǵylyq kapıtaly 500 mln dollar bolmaq.