Maqsat Tolyqbaı saıajaılarǵa «aýyl» mártebesin berýdi surady

<p><span style="font-family: sans-serif; font-size: 18px;">Májilis depýtaty Maqsat Tolyqbaı saıajaılarǵa &laquo;aýyl&raquo; mártebesin berýdi surap, Úkimet basshysynyń atyna saýal joldady, dep habarlaıdy QazAqparat Jibek Joly telearnasyna silteme jasap.</span></p>

Qazir qala irgelerindegi saıajaılardyń jaǵdaıy adam shoshyrlyq. Áleýmettik jáne ınfraqurylymdyq ıgilikter atymen joq. Elektr qýatyna deıin jekeniń qolynda. Eki ese tarıfpen tóleýge májbúr.

Osy oraıda depýtat saıajaılarǵa «aýyl» mártebesin berýdi surap otyr. 

«Alaıda, saıajaılardyń terrıtorııasyn qasyndaǵy aýyldyq okrýgterge qosyp nemese «aýyl» statýsyn bere salǵanmen problema sheshile qalmaıdy. Bir ǵana oblys ákimdiginiń shamasy jetpeıdi. Kóp qarjyny qajet etedi. Sondyqtan, Úkimet jedel áreket etip, saıajaı máselesin sheshýge arnalǵan naqty, aýqymdy baǵdarlama ázirleýi kerek. Ashyǵynda, bul Almaty oblysynda ǵana emes, baıtaq Qazaqstannyń ár óńirindegi túınek. Óz tarapymyzdan atalǵan máseleni baqylaýǵa alyp, qoǵamdyq talqylaý jasaıtyn bolamyz», - dedi depýtat M.Tolyqbaı.