Almatyda «Jasyl aýla» aǵash egý naýqany bastaldy

<p><span style="font-family: sans-serif; font-size: 18px;">Almatyda qalalyq ekologııa jáne qorshaǵan orta basqarmasy &laquo;Jasyl aýla&raquo; naýqanynyń bastalǵanyn málim etti, dep habarlaıdy QazAqparat tilshisi.</span></p>

“20 qyrkúıekten bastap qala turǵyndarynan kópqabatty úılerdiń aýlasy men qoǵamdyq keńistikterdi kógaldandyrý úshin japyraqty kóshetterdi alýǵa ótinimder qabyldanady. Kóshetter tegin beriledi. Naýqan aıasynda bir adamǵa 20-ǵa deıin kóshet bólinedi. Bul rette ótinish berýshi otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıýy tıis. Ótinimderdi qabyldaý 1 qazanǵa deıin jalǵasady. Kórsetilgen ýaqyttan keıin joldanǵan ótinishter qabyldanbaıdy”, - dep habarlady Almaty qalalyq ekologııa jáne qorshaǵan orta basqarmasy.

“Jasyl aýla” naýqanyna qatysý úshin [e-mail] elektrondy poshtasyna kelesi málimetterdi joldaý qajet:
1. Qatysýshynyń aty-jóni, telefon nómiri, aǵash otyrǵyzylatyn orynnyń naqty mekenjaıy;
2. Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
3. Suralyp otyrǵan kóshet sany.
7, 8, 14, 15 qazan kúnderi Áýezov aýdany, ıÝrıı Kım kóshesi, 9 («Eco Almaty» JShS) mekenjaıynda kóshetterdi taratý josparlanǵan. Otyrǵyzylǵan kóshetterdiń foto esebin jiberý qajet.

Qosymsha aqparatty Almaty qalalyq ekologııa jáne qorshaǵan orta basqarmasynyń Jasyl qordy basqarý jáne monıtorıng bólimi, [phone] baılanys nómirinen bilýge bolady.