BUU bekitken halyqaralyq zańnama talaptarynyń saqtalmaýynan qaýip týyndap otyr – Toqaev

<p><span style="font-family: sans-serif; font-size: 18px;">Búginde adamzat kezekti jańa geosaıası qarama-qaıshylyq kezeńine aıaq basty. Birikken Ulttar Uıymy Bas Assambleıasynyń 78-sessııasynda sóz sóılegen Prezıdent Qasym-Jomart Toqaev osylaı<a href="https://www.inform.kz/kz" target="_blank" rel="noopener"> málim etti</a>, dep habarlaıdy<a href="https://kaz.inform.kz/" target="_blank" rel="noopener"> QazAqparat</a> tilshisi.</span></p>

«Búginde adamzat kezekti jańa geosaıası qarama-qaıshylyq kezeńine aıaq basty. Qaýipter Birikken Ulttan Uıymy bekitken halyqaralyq zańnama talaptarynyń saqtalmaýynan týyndap otyr. Halyqaralyq shart sanalatyn qujattarǵa qosylý, ýaqytsha toqtata turý nemese odan shyǵý tájirıbesi erekshe alańdatady. Óz kezeginde bul ekonomıkalyq ilgerileýdi qamtamasyz eteýge tıis saýda júıesiniń, taýar tasymaly baǵyttarynyń buzylýyna ákep soǵady. Sáıkesinshe azyq-túlik qaýipsizdigine qaýip tóndiredi jáne qarqyndy ınflıatsııaǵa ıtermeleıdi. Máselen, qazir álem halyqtarynyń 1 mıllıardtan astamy kedeılik kún keshse, 2 mıllıardy qajetti dári-dármekke qol jetkize almaı otyr. Bul túptep kelgende adamzattyń keleshekke degen senimin joǵaltady», - dedi Prezıdent sessııanyń jalpy debatynda sóz sóıleı otyryp.

Buryn habarlaǵanymyzdaı, Memleket basshysy Qasym-Jomart Toqaev AQSh-qa sapary barysynda Birikken Ulttar Uıymynyń Bas hatshysy Antonıý Gýterrıshpen kezdesti.