Qasym-Jomart Toqaev BUU-nyń Ornyqty damý maqsattary jónindegi sammıtine qatysty

<p><span style="font-family: sans-serif; font-size: 18px;">Memleket basshysy Qasym-Jomart Toqaev Majarstan Prezıdenti Katalın Novakpen birge BUU-nyń &laquo;Ornyqty damý maqsattaryna (ODM) qol jetkizý jolyndaǵy progresti jedeldetýdiń negizgi ótpeli protsesterine qatysty aýqymdy is-qımyldardy jandandyrý&raquo; atty Kóshbasshylar dıalogynyń birinshi sessııasynda tóraǵalyq etti, dep habarlaıdy QazAqparat Aqordaǵa silteme jasap.</span></p>

Memleket basshysy óz sózinde Birikken Ulttar Uıymynyń 2030 jylǵa deıingi kún tártibi búgingi óskeleń urpaqtyń jarqyn bolashaq qurýyna berilgen bir ǵana múmkindik ekenin atap ótti.

Geosaıası qaqtyǵystarǵa baılanysty shıelenise túsken qazirgi jahandyq syn-qaterler bizdiń ujymdyq kúsh-jigerimizge nuqsan keltirip otyr. Bul kedergilerdi eńserýge jekelegen memlekettiń shamasy jetpeıdi. Álemdik qoǵamdastyqtyń birliginiń arqasynda ǵana eleýli jetistikterge qol jetkize alamyz, – dedi Qasym-Jomart Toqaev.

Prezıdenttiń aıtýynsha, Qazaqstan úshin Ornyqty damý maqsattaryna qol jetkizý – ulttyq basymdyq.

Ornyqty damý qaǵıdattary bizdiń negizgi ulttyq strategııalarymyz ben baǵdarlamalarymyzdyń ózegine aınaldy. Búginde ornyqty bolashaqqa belsendi túrde ınvestıtsııa quıyp otyrmyz. Memleket bıýdjetiniń 80 paıyzy ornyqty damý maqsattaryna saı keledi. Biz tegin bilim alýdyń jáne densaýlyq saqtaýdyń barshaǵa qoljetimdi bolýyn qamtamasyz etemiz. Jańa Áleýmettik kodekste halyqtyń osal toptaryn qorǵaý sharalary kúsheıtildi, – dedi Memleket basshysy.

Sessııa barysynda Majarstan Prezıdenti Katalın Novak, Horvatııa Prezıdenti Zoran Mılanovıch, Qyrǵyzstan Prezıdenti Sadyr Japarov, OAR Prezıdenti Sırıl Ramafosa, Aýstrııa Prezıdenti Aleksandr Van der Bellen, Perý Prezıdenti Dına Bolýarte, Gaıana Prezıdenti Irfan Alı, Mıkronezııa Prezıdenti Ýeslı Sımına, Soltústik Makedonııa Prezıdenti Stevo Pendarovskı, Fınlıandııa Prezıdenti Saýlı Nıınıste jáne basqalar sóz sóıledi.