19 qyrkúıek kúni Astanada ótetin mańyzdy is-sharalar ańdatpasy

<p><span style="font-family: sans-serif; font-size: 18px;">&laquo;QazAqparat&raquo; halyqaralyq aqparat agenttigi 19 qyrkúıek kúni Astanada ótetin mádenı jáne qoǵamdyq mańyzdy sharalar ańdatpasyn usynady.</span></p>

10.00-de Úkimettiń kezekti otyrysy bastalady. Kún tártibinde – egin jınaý naýqany; jańa Bıýdjet kodeksi jobasy; aldaǵy jylytý maýsymyna daıyndyq barysy. Translıatsııa Úkimettiń rrimeminister.kz saıtynda, YouTube resmı arnasynda, Facebook áleýmettik jelilerinde, sondaı-aq UKIMET Telegram-kanalynda júredi.

11.00 «El Umiti» korporatıvti qory «El Umiti» júldesin tanystyrady.

11.00-de Astana qalasy Kommýnıkatsııalar qyzmetinde emhanalarǵa erkin tirkelý naýqanynyń bastalýyna arnalǵan onlaın brıfıng ótedi. Spıker: Astana qalalyq Qoǵamdyq densaýlyq saqtaý basqarmasy basshysynyń orynbasary Aınur Tóleýova. Onlaın baspasóz konferentsııasy Astana qalasy kommýnıkatsııalar qyzmetiniń Facebook-tegi resmı paraqshasynda tikeleı efırde ótedi.

12.00-de QR Prezıdenti janyndaǵy Ortalyq kommýnıkatsııalar qyzmetinde «Qazaqstan men Týnıs arasyndaǵy IOFS (Azyq-túlik qaýipsizdigi jónindegi ıslam uıymy) birlesken ınvestıtsııalyq yntymaqtastyq» atty baspasóz máslıhaty ótedi. Spıkerler: Týnıs Respýblıkasynyń Aýyl sharýashylyǵy mınıstri Abdel Monem Belatı; Týnıs ónerkásip, saýda jáne qolóner odaǵynyń (UTICA) prezıdenti Samır Majýl; Azyq-túlik qaýipsizdigi jónindegi Islam uıymynyń (IOFS) bas dırektory Erlan Baıdáýlet. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

14.30-da «Máskeý» bıznes-ortalyǵynyń «Astana» konferents-zalynda Eýropadaǵy, sondaı-aq Qazaqstan Respýblıkasyndaǵy densaýlyq saqtaý júıesiniń jaı-kúıi týraly jyl saıynǵy eseptiń Qazaqstandaǵy tanystyrylymyna arnalǵan baspasóz máslıhaty ótedi.

15.00-de Astana qalasy Kommýnıkatsııalar qyzmetinde «Astana qylyshy» semserlesýden respýblıkalyq ashyq týrnırin ótkizýge arnalǵan onlaın brıfıng ótedi. Spıkerler: «Astana» Semserlesý federatsııasynyń prezıdenti Erjan Núsipbekov, Astana qalasy ákimdiginiń №9 Balalar men jasóspirimderdiń sport mektebiniń basshysy Aıdyn Toqbaev. Onlaın baspasóz konferentsııasy Astana qalasy kommýnıkatsııalar qyzmetiniń Facebook-tegi resmı paraqshasynda tikeleı efırde ótedi.

17.00-de Májiliste «Aýyl sharýashylyǵyndaǵy jaǵdaıdy turaqtandyrý boıynsha qabyldanǵan sharalar týraly» taqyrypta Agrarlyq máseleler komıtetiniń keńeıtilgen taqyryptyq otyrysy ótedi.