Avtorlyq quqyqty buzý babymen 3 qylmystyq is qozǵaldy

<p>Elimizde avtorlyq quqyqpen baılanysty sotta qaralǵan isterdiń sany azaıyp, óndirilgen somanyń kólemi artqan, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</p>

Bul týraly Ádilet mınıstrligi Zııatkerlik menshik quqyǵy departamentiniń dırektory Sholpan Ábdireeva redaktsııanyń saýalyna bergen jaýabynda aıtty.

«Quqyqtyq statıstıka jáne arnaıy esepke alý organdarynyń portalyndaǵy aqparat boıynsha, 2022 jyly sotqa avtorlyq jáne sabaqtas quqyqtar máselesimen baılanysty 309 aryz tústi. (2020 j. – 323, 2021 j. - 355).
Onyń ishinde 225 aryz boıynsha is qozǵalyp, (2020 j. – 261, 2021 j. - 266), 115 is boıynsha sheshim shyǵarylǵan (2020 j. – 185, 2021 j. - 142)», - dep jazylǵan jaýapta.
Mınıstrliktiń málimeti boıynsha, sotta qaralǵan isterdiń sany qysqarǵanymen, óndirip alýǵa jatqyzylǵan somalardyń kólemi artqan.
«Sottar atalǵan ister boıynsha jalpy somasy 125 mln 774 myń 69 tg teńge óndirip alyp týraly sheshim shyǵarǵan (2020 j. – 89 652 240 tg,
2021 j. – 33 789 160 tg)», - delingen jaýapta.

Vedomstvonyń aqparatyna súıensek, jyl basynan beri avtorlyq jáne sabaqtas quqyqtardy buzý faktisi boıynsha 3 qylmystyq is (Qylmystyq kodeksiniń 198-baby) tirkelgen.