Túrkistan oblysynda jolǵa shyqqan sıyr 4 kóliktiń soqtyǵysýyna sebep boldy

<p><span style="font-family: sans-serif; font-size: 18px;">Túrkistan oblysynda jolǵa shyǵyp ketken sıyrdyń kesirinen tórt kólik búlindi, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Oqıǵa «Shymkent-Samara» tasjoly boıynda boldy. «Toyota Estima» markaly 7 oryndyq kólik jolǵa shyǵyp ketken sıyrǵa soǵylǵan. Oqıǵadan zardap shekken jolaýshylarǵa kómek kórsetý úshin jol jıegine «Aýdı» toqtaǵan. Keıin «Aýdıdi» artynan eki kólik – «Nýundai Santa fe» jáne «Xonda Elysion» kelip soqqan.

«Jol-kólik oqıǵasy saldarynan tek avtokólikterge materıaldyq shyǵyn keldi. Adamdar qazasy joq. Júrgizýshiler men jolaýshylarǵa jergilikti jerde medıtsınalyq kómek kórsetilip, úılerine jiberildi. Qazirgi tańda jaýapkershilikke tartý úshin mal ıesin anyqtaý jumystary júrgizilip jatyr», – delingen Túrkistan oblysy Polıtsııa departamentiniń baspasóz qyzmeti taratqan aqparatta.