-37 gradýs aıaz: Kókshetaý mektepteri túgel onlaınǵa kóshti

<p>Qatty aıazdyń boljanýyna baılanysty Aqmola oblysynyń Kókshetaý qalasynda birinshi aýysymdaǵy barlyq oqýshy onlaınǵa kóshirildi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Aýa temperatýrasynyń -37 gradýsqa tómendeýine baılanysty 8 jeltoqsanda Kókshetaý qalasy mektepteriniń birinshi aýysymdaǵy 1-11 synyp oqýshylary úshin sabaq qashyqtan ótkiziledi», –delingen qalalyq bilim bóliminiń málimetinde.

Aqmola oblysynyń Tótenshe jaǵdaılar departamenti 7-8 jeltoqsan kúnderi óńirde -38 gradýsqa deıin qatty aıaz bolatyny týraly SMS habarlama taratqan bolatyn.

Eske salaıyq, beısenbi, 7 jeltoqsanda Kókshetaý mektepterinde ekinshi aýysym oqýshylary mektepke barǵan joq.

Aıta keteıik, aýa temperatýrasynyń kúrt tómendeýinen qazir Astanadan shyǵatyn barlyq respýblıkalyq jol jabyq tur.