Prezıdent Qazaqstanda ádiletti energetıkalyq júıege kóshý baǵdarlamasyn iske qosýdy usyndy

<p><span style="font-family: sans-serif; font-size: 18px;">Birikken Ulttar Uıymy Bas Assambleıasynyń 78-sessııasynda sóz sóılegen Prezıdent Qasym-Jomart Toqaev Ortalyq Azııadaǵy ekologııalyq máselelerdi kóterdi, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://www.inform.kz/kz" target="_blank" rel="noopener">QazAqparat</a><span style="font-family: sans-serif; font-size: 18px;">&nbsp;tilshisi.</span></p>

«Klımattyń ózgerýimen kúres jónindegi jedel sharalardy qabyldaý qajettigi taptaýryn áreketke aınalyp ketýi múmkin. Biraq bul – qaýipti úrdis. Sebebi qorshaǵan ortany qorǵaýǵa basymdyq berý úshin tez arada, tıimdi jáne transformatsııalyq qadamdar qajet. Bul rette qater, eń aldymen, Ortalyq Azııaǵa tónip tur. Tipti 2030 jylǵa qaraı jahandyq temperatýranyń 1,5 gradýsqa kóterilýin shekteı alǵannyń ózinde, Ortalyq Azııadaǵy temperatýranyń 2-2,5 gradýsqa deıin kóterilýimen betpe-bet kelemiz», - dep másele kóterdi Memleket basshysy.

Prezıdent aıtap ótkendeı, klımat jónindegi Parıj kelisimimen qatar, álem elderi kómirtegisiz keleshekke degen umtylystan aınymaýy qajet.

«Klımat máselesin saýda jáne ınvestıtsııalyq yntymaqtastyqty shekteıtin sharalar úshin paıdalanbaý kerek. Kerisinshe, biz BUU aıqyndaǵan Klımat ózgerisimen kúres jónindegi oń sharalar sııaqty nátıjeli ózgeristerge basa mán berýge tıispiz. Munda «jasyl» ekonomıkaǵa negizdelgen jumys oryndaryn ashýǵa ınvestıtsııa quıý, qazba otyndaryn paıdalanýdy sýbsıdııalaýdy toqtatý jáne klımattaǵy ózgeriske qarsy kúres áreketteriniń barlyq deńgeıinde ádilettilikti, ınklıýzıvtilikti jáne áıelderdiń qatysýyn qamtamasyz etý sharalary qamtylady. Alaıda tıisti qarjylandyrý bolmasa, klımattyń ózgerýimen kúres jónindegi aýqymdy jospar júzege asyrylmaıdy. Osyǵan oraı biz Qazaqstanda ádiletti energetıkalyq júıege kóshý baǵdarlamasyn (Just Energy Transition Partnership) iske qosýdy usynamyz», - dep bastama kóterdi Qasym- Jomart Toqaev.

Prezıdent 2026 jyly BUU aıasynda Qazaqstanda Aımaqtyq klımattyq sammıt ótkizý josparlanyp otyrǵanyn da atap ótti.

Buǵan qosa Memleket basshysy BUU zalyna jınalǵan memleket basshylary adamzattyń bolashaǵyna jaýapty ekenin basa aıtty.

Sonymen qatar, Qasym-Jomart Toqaev qazirgi geosaıası jaǵdaılarǵa qaramastan bizdiń qoǵam men Úkimet Ádiletti Qazaqstan quryp jatqanyn atap ótti.