Álibek Qýantyrov: Qytaı ekonomıkasyn 20-30 jylda qýyp jetýge bolady

<p><span style="font-family: sans-serif; font-size: 18px;">Ulttyq ekonomıka mınıstri Álibek Qýantyrov Májilis otyrysynan keıin BAQ ókilderiniń suraǵyna bergen jaýabynda Qazaqstan damyǵan 30 eldiń qataryna kirýge qaýqarly ekenin aıtty.</span></p>

«Qazaqstan Qytaı sııaqty elderden ekonomıkanyń damýy jóninen neshe jylǵa artta qalyp keledi? Eýropanyń damyǵan elderine qashan jetemiz?», - dep surady BAQ ókili mınıstrden.

Álibek Qýantyrov ońtústiktegi kórshi eldiń ekonomıkasy nelikten qarqyndy damyp jatqany týraly paıymyn aıtty.

«Qýyp jetýimiz múmkin. Biraq ony serpindi jasaýymyz kerek. Mysaly, Qytaıda 1,5 mlrd adam bar. Qazaqstan halqynan sany neshe ese kóp ekenin salystyryp kórińiz. Árıne, ol jerde adamı kapıtal bar. Onyń da resýrstary bar. Eń bastysy, bizdiń qıynshylyǵymyz – ashyq teńizge jol joq. Ol bizge qosymsha shyǵyndar ákeledi. Al Qytaıda ashyq teńizge jol bar», - deıdi mınıstr.

Vedomstvo basshysy Qytaı ekonomıkasy men Qazaqstan ekonomıkasynyń arasyndaǵy damý alshaqtyǵyn 30 jylda eńserýge bolady dep esepteıtinin aıtady.

«Qansha jylǵa artta qalǵanyn esepteý kerek. 20-30 jylda jetýge bolady. Sebebi aldymyzǵa damyǵan 30 eldiń qataryna ený týraly maqsat qoıyp otyrmyz ǵoı. Meniń pikirimshe, ol múmkin», - dedi Álibek Qýantyrov.