Týnıs Qazaqstanda záıtún alqabyn ósirýge ınvestıtsııa salmaq
«Bul alǵashqy saparymyz Qazaqstan men Týnıs arasyndaǵy qarym-qatynasqa tyń serpin beredi. Biz Qazaqstanmen aýyl sharýashylyǵy salasynda birlese jumys isteýge múddelimiz. Ońtústik Afrıkada ornalasqan Týnıs memleketiniń jer kólemi 104 sharshy shaqyrymdy alyp jatyr, 12 mln turǵyny bar. Geografııalyq ornalasýyna baılanysty óńirlik jáne álemdik deńgeıde mańyzdy rólge ıe. Záıtún maıyn, qurma jemisterin ósiremiz. Osy ónimderdi sizderge de eksporttaı alamyz», - dedi sheteldik mártebeli meıman Ortalyq kommýnıkatsııalar qyzmetindegi brıfıngte.
Týnıs mınıstri Qazaqstannyń da aýyl sharýashylyǵynyń áleýeti óte zor ekendigin basa aıtty
«Sondyqtan Qazaqstanmen dál osy salada jańa kelisimsharttar jasasýǵa nıettimiz. Munan bólek, Qazaqstanda záıtún ósirýge ınvestıtsııa salýǵa daıynbyz. Óıtkeni, záıtún egý óte kóp zertteýdi qajet etedi. Al Týnıste bul salada kóptegen ǵylymı zertteý ortalyqtary bar. Sondyqtan Qazaqstan men Týnıs aýyl sharýashylyǵy daqyldaryn zertteý baǵytynda birlese jumys isteı alar edi», - dedi Abdel Monem Belatı.