Polıtseıler qaı jerde temeki shegýge bolmaıtynyn eske saldy

<p><span style="font-family: sans-serif; font-size: 18px;">Jyl basynan Petropavlda qoǵamdyq orynda temeki shekken 274 adam jaýapkershilikke tartyldy. Al jalpy paıdalaný oryndaryn lastaǵany úshin 956 adam jazalandy, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Polıtseıler birqatar qoǵamdyq orynda temeki ónimderin, elektrondyq temekini tutynýǵa, paıdalanýǵa zańmen tyıym salynǵanyn eskertedi. Mundaı oryndarǵa bilim berý uıymdary, olardyń irgeles aýmaqtary, medıtsına mekemeleri, memlekettik uıymdar, qoǵamdyq tamaqtaný oryndary, sporttyq-mádenı nysandar, túngi klýbtar, kóppáterli úılerdiń kireberisteri jatady. Qoǵamdyq kólikte, sondaı-aq kámeletke tolmaǵan balalar otyrǵan jeke kólikte temeki shegýge bolmaıdy. Budan bólek, vokzal ǵımarattary men jabyq aıaldamalarda, órt tutaný qaýpine baılanysty janarmaı quıý stantsııalarynyń aýmaǵynda bul ónimdi tutynýǵa ruqsat joq.

Temeki shegýge tyıym salynǵan oryndardyń tolyq tizimimen QR Halyq densaýlyǵy jáne densaýlyq saqtaý júıesi týraly kodekstiń 110-babynda tanysýǵa bolady.

«Tájirıbe kórsetip otyrǵandaı, oblys ortalyǵynyń turǵyndary men qonaqtary podezderde, janarmaı quıý stantsııalary mańynda jáne stadıondarda temeki shegip, erejelerdi jıi buzady. Polıtsııa qyzmetkerleri mundaı faktilerdi kúndelikti jumys barysynda, beınebaqylaý kameralary arqyly, keıde turǵyndardyń habarlaýy boıynsha anyqtaıdy. Aıta etý kerek, kóbinese temeki shegýshiler qoqys sháshikterin elemeı, mádenı deńgeıdiń tómendigin kórsetedi.

Jyl basynan QR Ákimshilk quqyq buzýshylyqtar týraly kodeksiniń 434-2-baby boıynsha jalpy paıdalaný oryndaryn lastaǵany úshin 956 adam jaýpqa tartyldy. Olardyń basym bóligi kóshelerge temeki tuqylyn laqtyryp ketken. Sondyqtan da, turǵyndardan zańnamanyń talaptaryn saqtaýdy jáne aınalasyndaǵylarǵa qarapaıym qurmet kórsetýdi suraımyz», - deıdi Petropavl qalalyq polıtsııa basqarmasy jergilikti polıtsııa qyzmeti bóliminiń bastyǵy Aıdyn Aqmaǵambetov.