600-ge jýyq qazaqstandyq «Úzdik eńbek ıesi» ataǵyna talasady

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Bıyl &laquo;Eńbek joly&raquo; respýblıkalyq baıqaýyna 591 ótinish kelip tústi. Otbasylar men sala mamandary &laquo;Úzdik eńbek ıesi&raquo; ataǵyn qorǵaıdy. Baıqaý týraly tolyǵyraq Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov aıtyp berdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi. </span></p>

«Bıyl konkýrsqa barlyǵy 591 ótinish qabyldandy. «Úzdik eńbek áýleti» nomınatsııasy boıynsha 143 ótinish, «Jumys isteıtin jastardyń úzdik tálimgeri» nomınatsııasy boıynsha 215 ótinish, «Óndiristiń úzdik jas mamany» nomınatsııasy boıynsha 233 ótinish qabyldandy. Konkýrstyń respýblıkalyq kezeńiniń jeńimpazdaryn Eńbek mınıstrligi janyndaǵy komıssııa aıqyndaıdy. Komıssııa quramyna QR Parlamentiniń depýtattary, Eńbek jáne halyqty áleýmettik qorǵaý mınıstrliginiń ókilderi, «Atameken» UKP, «Qoǵamdyq kelisim» RMM jáne áleýmettik qyzmetshiler bar», – dedi Aqmádı Sarbasov Ortalyq kommýnıkatsııalar qyzmeti alańynda ótken brıfıngide.

Onyń aıtýynsha, baıqaý eki kezeńnen turady.

«Eńbek kúni merekesi qarsańynda jyl saıyn «Eńbek joly» respýblıkalyq konkýrsyn ótkizemiz. Ol adal ári nátıjeli eńbekti yntalandyrýǵa, jastarǵa jumysshy mamandyqtaryn nasıhattaýǵa jáne eńbekqor áýletterdiń kópjyldyq tájirıbesin nasıhattaýǵa baǵyttalǵan», - deıdi ol.

«Eńbek joly» baıqaýynyń jeńimpazdary 2023 jylǵy 22 qyrkúıekte Astanada Eńbek kúnine oraı ótetin forým barysynda jarııalanady. Jeńimpazdarǵa aqshalaı sertıfıkattar men estelik syılyqtar tabys etiledi.

Aıta ketsek, jyl saıyn qyrkúıektiń sońǵy demalysy «Eńbek kúni» merekesi retinde atalyp ótiledi, bıyl ataýly kún 24 qyrkúıekke kelip tur.