Qazaqstan men Qytaı arasynda qos azamattyqqa qarsy is-qımyl talaptary aıqyndaldy

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Búgin Májilistiń jalpy otyrysynda &laquo;Qazaqstan Úkimeti men Qytaı Úkimeti arasyndaǵy taraptar memleketteriniń azamattaryna qatysty aqparat almasý týraly kelisimdi ratıfıkatsııalaý týraly&raquo; Zańy qabyldandy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Kelisimdi ratıfıkatsııalaý Qazaqstan Respýblıkasy men Qytaı Halyq Respýblıkasynyń kóshi-qon jáne qos azamattyqqa qarsy is-qımyl salasyndaǵy quzyretti organdary arasyndaǵy yntymaqtastyq úshin quqyqtyq negiz qalyptastyrýǵa múmkindik beredi.

Osy qujat kóshi-qon salasynda aqparat almasýǵa arnalǵanyna toqtalǵan Іshki ister mınıstri Erjan Sadenov: «Bul málimetter qos azamattyqqa qarsy kúres, zańsyz kóshi-qon arnalarynyń jolyn kesý turǵysynda qajet. Shartty iske asyratyn quzyretti organdar retinde Qazaqstan jaǵynan Іshki ister mınıstrligi men Eńbek jáne halyqty áleýmettik qorǵaý mınıstrligi, al Qytaıdan Syrtqy ister mınıstrligi men Kóshi-qon isteri jónindegi memlekettik basqarma belgilendi», - dedi.

Onyń aıtýynsha, qazirgi kezde osyndaı ekijaqty kelisim bes memleketpen bekitilgen.

Kelisim Qazaqstan men Qytaı azamattaryna qatysty kóshi-qon salasynda aqparat almasý boıynsha ózara is-qımyldy retteıdi. Qujatty ratıfıkatsııalaý eki el arasyndaǵy ekijaqty yntymaqtastyqty odan ári damytýǵa jáne nyǵaıtýǵa yqpal etedi.