Ulttyq qordan balalarǵa aýdarylatyn qarajatty em-domǵa jumsaýǵa bola ma

<p style="text-align: justify; mso-line-height-alt: 19.5pt; background: white;"><span style="font-size: 20.0pt; color: black;">Ulttyq qordan balalardyń shotyna aýdarylatyn tólemdi em-domǵa jumsaýǵa bolmaıdy. Bul týraly Májilis depýtaty Berik Beısenǵalıev aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi. </span></p>

«Biz bul qarajatty emdelýge jumsaý máselesin uzaq talqyladyq. Densaýlyq saqtaý mınıstrligimen, Ulttyq ekonomıka, Qarjy mınıstrligimen, jurtshylyqpen, jumys toby múshelerimen birlese qarastyrdyq. Bul aqshany 1 jáne 2 toptaǵy múgedekter ózderiniń em-domyna alý múmkindigin de pysyqtady. Degenmen, bul sanattaǵy azamattarǵa arnalǵan jeke baǵdarlama bar, ıaǵnı tıisti járdemaqy aýdarylyp jatyr. Jalpy, atalǵan zań jobasy aıasynda em-domǵa qarajat aýdarý qarastyrylmaǵan», - dedi B.Beısenǵalıev Parlament Májilisinde tilshiler suraǵyna jaýap bere otyryp.

Budan buryn habarlanǵandaı, búgin Májilistiń jalpy otyrysynda «Keıbir zańnamalyq aktilerge Qazaqstan Respýblıkasynyń Ulttyq qorynan balalarǵa tólem jasaý máseleleri boıynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldandy.

Qujatta Ulttyq qordyń jyl saıynǵy ınvestıtsııalyq kirisiniń 50 paıyzyn balalarǵa 18 jasqa tolǵanǵa deıin olardyń arnaıy jınaqtaý shottaryna aýdarý eskerilgen. Shotta jınaqtalǵan qarajatty 18 jasqa tolǵannan keıin ǵana paıdalaný múmkindigi beriledi.

Kámeletke tolǵan kezde jınalǵan qarajatty turǵyn úı jaǵdaılaryn jaqsartýǵa nemese bilim alýǵa jumsaı alady.