Mektepten keıingi «Bolashaq» stıpendııasy halyqaralyq, respýblıkalyq olımpıada jeńimpazdaryna berilýi múmkin

<p>Ǵylym jáne joǵary bilim mınıstrligi bakalavrıat deńgeıinde &laquo;Bolashaq&raquo; stıpendııasyn bólý jumystary qalaı júrip jatqanyn aıtyp berdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

"Bolashaq» stıpendııasy arqyly bakalavr dárejesin alý máselesi áli talqylanyp jatyr. 2023 jyldyń 17 aqpanyndaǵy shetelde kadrlar daıarlaý jónindegi respýblıkalyq komıssııa otyrysyndaǵy tapsyrmaǵa sáıkes, «Bolashaq» stıpendııasy sheńberinde bakalavrıat baǵdarlamasymen oqý úshin «jalpy bilim beretin pánder boıynsha halyqaralyq, respýblıkalyq olımpıadalardyń jeńimpazdary jáne halyqaralyq, respýblıkalyq oryndaýshylar konkýrstarynyń jeńimpazdary» jeke sanatyn bólýdi josparlaý maquldandy. Desek te, bul suraq boıynsha áli de birneshe ýákiletti organnyń mamandary jan-jaqty zerdelep, sheshim shyǵarady», - dep jaýap berdi mınıstrlik agenttiktiń resmı saýalyna.

Buǵan deıin mınıstrlik qazirgi «Bolashaq» stıpendııasynyń 60% tehnıkalyq jáne IT mamandyqtarǵa beriletinin aıtqan edi. 2023 jyldan bastap ınjenerlik-tehnıkalyq qyzmetkerler men medıtsınalyq mamandar jeńildetilgen sharttarmen «Bolashaq» halyqaralyq stıpendııasynyń konkýrstyq irikteýine qatysa alady.

Atalǵan ózgertýlerdiń arqasynda qazaqstandyq dárigerler men tehnıkalyq qyzmetkerler jáne aýyldan shyqqan úmitkerler 12 aıǵa deıingi tegin tildik daıyndyqtan óte alady.

Jalpy «Bolashaq» baǵdarlamasymen osy kúnge deıin álemniń oqý oryndarynda 12 430 maman daıarlanǵan. Onyń ishinde áleýmettik-gýmanıtarlyq baǵytta 55% maman oqysa, tehnıkalyq baǵyt boıynsha tek 36%-y bilim alǵan.