Batys Qazaqstanda aýyldasyn óltirgen 30 jastaǵy turǵyn ustaldy

<p class="MsoNormal" style="text-align: justify;"><span style="font-size: 20.0pt; line-height: 107%; font-family: 'Times New Roman',serif; color: black; background: white;">Batys Qazaqstan oblysynda aýyldasyn óltirgen 30 jastaǵy turǵyn ustaldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

BQO polıtsııa departamenti baspasóz qyzmetinen túsken málimetke qaraǵanda, oqıǵa 14 qyrkúıek kúni Báıterek aýdany ıAnvartsev aýylynda bolǵan.

«Kúdikti 1972 jáne 1979 jylǵy aýyldastaryn jaraqattap, oqıǵa ornynan boı tasalaǵan. Jábirlenýshiler aýrýhanaǵa jatqyzyldy. Alaıda 51 jastaǵy er adam esin jııa almastan aýrýhanada kóz jumdy. Atalǵan derek boıynsha QR QK 106-baby 3-bóligine (abaısyzda adam ólimine soqtyrǵan qasaqana aýyr dene jaraqatyn keltirý) sáıkes sotqa deıingi tergeý amaldary júrgizilip jatyr. Qylmysqa kúdikti retinde ıAnvartsev aýylynyń 1993 jylǵy turǵyny qolǵa túsip, ýaqytsha ustaý ızolıatoryna qamaldy», - dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, jábirlenýshilerdiń ekeýi de 15 qyrkúıek kúni Báıterek aýdandyq 2-aýrýhanasyna júgingen. Olarǵa qajetti medıtsınalyq kómek kórsetilip, Oral qalalyq kópbeıindi aýrýhanasyna jetkizildi. Shuǵyl emdeýge ota bólmesine jatqyzylǵan 1972 jylǵy turǵyn 17 qyrkúıek kúni tańda qaıtys boldy.

Ashyq bas-mı jaraqatyn alǵan 1979 jylǵy turǵyn neırohırýrgııa bólimshesinde jatyr. Jalpy jaǵdaıy turaqty, ortasha aýyr dárejede.