Qazaqstan astyq eksporttaıtyn naryqtaryn saqtap qala ala ma

<p><span style="font-family: sans-serif; font-size: 18px;">Іshki naryqta astyq tapshylyǵy bolmaıdy. Bul týraly Aýyl sharýashylyǵy vıtse-mınıstri Ábilhaıyr Tamabek málim etti, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

"Bıyl astyq tapshylyǵy bolmaıdy. Byltyr 1 qyrkúıektegi jaǵdaı boıynsha 2,5 mln tonna astyq bastyrylsa, bıyl 1 qyrkúıekte 5 mln tonnadan astam jınaldy. Elimizdiń ishki naryǵyna 6-7 mln tonna astyq kerek. Osydan artylǵany eksportqa ótkiziledi", - dedi Á. Tamabek Parlament Májilisinde tilshiler suraǵyna jaýap bere otyryp.

Vıtse-mınıstrdiń aıtýynsha, byltyr un men astyqty qosa eseptegende shamamen 13 mln tonna eksporttalǵan.

"Bıyl ónimdilik tómendeýi múmkin. Alaıda astyq jınaý naýqany aıaqtalǵannan keıin ǵana naqty kólem belgili bolady. Byltyr týra osy kezeńde 11,6 mln tonna astyq jınalsa, bıyl 6,6 mln tonna ǵana bastyryldy, ıaǵnı jaýyn-shashynǵa baılanysty 40 paıyzy bastyryldy. 2022 jyly osy ýaqytta 73 paıyzy orylǵan edi. Tıisti komıssııa jumysyn aıaqtaǵannan keıin naqty kórsetkishter jarııalanady. Sebebi qaıta kóktep ketken astyq alqaptary budan da kóp bolýy yqtımal", - dedi spıker.

AShM ókiliniń paıymynsha, eksport kólemi azaısa, astyq ótkizý naryǵyn joǵaltyp alý qaýpi bar.

"Sebebi bizdiń ónimdi turaqty túrde alatyn Ózbekstan, Aýǵanstan, Túrikmenstan, Tájikstan sııaqty memleketter bar. Iran men Qytaı da bizden astyq alyp jatyr. Osy naryqtardy joǵaltyp alýymyz múmkin. Óıtkeni bıyl Reseıde mol astyq jınaldy", - dedi Ábilhaıyr Tamabek.

Budan buryn habarlanǵandaı, Aýyl sharýashylyǵy mınıstri Aıdarbek Saparov kúz basyndaǵy tolassyz jaýynnan dıqandarǵa kelgen zardaptyń kólemin atady. 2,7 mln gektar alqaptaǵy astyq qaıta kóktep ketken.