Bıbigúl Tólegenova atyndaǵy baıqaýdyń jeńimpazy anyqtaldy
Vokalıster baıqaýy – Ortalyq Azııadaǵy birinshi konkýrs. Álemniń úzdik ánshileri baq synaıtyn baıqaýǵa 66 ótinish túsken. Olardyń arasynda 14 ónerpaz aqtyq synǵa joldama aldy.
«Konkýrstyń qatysýshylaryn, jas talantty oryndaýshylardy shyn júrekten quttyqtaımyn. Bul baıqaý Ortalyq Azııa elderindegi klassıkalyq ónerdegi jalǵyz joba bolǵandyqtan bizdiń konkýrsqa qatysý úshin alys jáne jaqyn shetelderden kóptegen talant ıeleri kelip, kásibı opera jáne kontserttik kameralyq ánshiler jınalady. Bul – biz úshin jetistik, qýanysh. Osy jolǵy konkýrs ádettegideı joǵary deńgeıde ótti. Konkýrsta jańa esimder ataldy. Klassıkalyq ónerdiń jas qarlyǵashtary qanat qaqty», - deıdi Qazaqstannyń halyq ártisi Bıbigúl Tólegenova.
On ekinshi ret ótken aıtýly baıqaýda ázerbaıjandyq Mahır Tagızade top jardy. Júldeli oryndarǵa ıe bolǵandardyń ishinde qazaqstandyq vokalıster men Qytaıdan, Armenııadan kelgen ónerpazdar bar.
«Qýanyshym qoınyma syımaı tur. Men óz elimde jáne basqa da kóptegen halyqaralyq konkýrstarǵa qatysqanmyn. Bul joly Almatyda, Qazaqstanda, Bıbigúl Ahmetqyzynyń Otanynda ótken baıqaýǵa qatysqanyma óte qýanyshtymyn. Qazaqstandy ekinshi úıim dep sanaımyn. Konkýrs talaby boıynsha biz qazaq romansyn oryndadyq, odan ózge ózimniń jeke qalaýym boıynsha fınalda «Abaı» operasynan arııa oryndadym. Qazaqtyń klassıkalyq mýzykasyn oryndaý janyma rahat syılaıdy», – dedi bas júlde ıegeri Mahır Tagızade.
Arnaıy syılyq astanalyq Haırýlla Aıbek, Qytaıdan kelgen ıÝ Joıanǵa, sondaı-aq reseılik Vıktorııa Ivanovaǵa buıyrdy.
Aıta keteıik, Bıbigúl Tólegenova atyndaǵy halyqaralyq vokalıster konkýrsy 2001 jyldan beri ár eki jyl saıyn ótkizilip turady. Bıyl Abaı atyndaǵy Qazaq ulttyq opera jáne balet teatrynyń mereıtoılyq 90-ashylý maýsymynyń aıasynda ótkizildi.